17.2 C
Hakha
Monday, July 26, 2021
- Advertisement -

Ṭial Tharmi

N. Korea: US he Biaruah Kan Hau Ti Lo

North Korea cozah nih, “US he biaruah kan hau lo. Kan i ruah zongah Trump mithmai ngeihnak ca menmen asi,” tiah a chim.

US cozah palai cu atu hi South Korea ah tlawn aa timh lio asi. A tlawn lai bakah North Korea nih a cal ah a kah diam – US nih North Korea ton a duh ahcun South Korea cozah a chimhter tawn.

North Korea Ramdang Vuanci Changtu Choe Son Hui nih, “US le North Korea cozah biaruahnak kan ngeih zongah North Korea policy zeihmanh aa thleng hlei lai lo,” tiah a chim.

North Korea Ramdang Vuanci Changtu Choe Son Hui

“US he hmaitonh in ṭhut kan herhnak zeihmanh um lo. North Korea caah zei thil ṭha hmanh a chuak ding si lo. US mipi nih ka uar deuh hna seh tiin Donald Trump nih amah miatnak kawlnak caah a kan hman,” tiah North Korea cozah media KCNA ah a chim.

US Ramdang Vuanci changtu Stephen Biegun cu North Korea cozah he biaruahnak tuah dingin hmai zarh ah South Korea tlawn aa tim.

South Korea President Pu Moon Jae-in nih, “US election hlan ah US le North Korea nih a hrulhmi an biaruahnak kha an peh ṭhan awk si,” tiah Nithumni ah a chim.

President Trump ruahnak petu hlun Pu John Bolton nih, “Trump nih thimnak tuah hlan October ah mipi leemnak caah North Korea a ton te men lai,” tiah Nilini ah thawngla pawl sinah a chim.

President Trump le Chairman Kim Jong-un cu 2018 ah Singapore ram ah an rak i tong.

2019 ah Vietnam ram ah an i tong ṭhan. Trump nih “nuclear hriamnam nan hlawtmi a tlawm tuk caah chawlehnak kan in phihpiakmi on awk ṭha lo,” a rak ti caah an biaruahnak cu pakpalawng ah a cang.

US nih North Korea hi nuclear hriamnam ngei hlah seh, US caah zeihmanh ṭihnung hlah seh ti a duh. North Korea nihle nuclear hriamnam ngeih lo cu a duh ve lo. Cucaah, a sifak cikcek sehlaw nuclear hriamnam ser kho hlah seh tiin US nih vawlei cung ram vialte cu North Korea he sipuazi tuah a phih dih hna caah North Korea ram ah mangṭam tiang a tlung lengmang. An rocar taktak.

2019 June thla ah South le North Koreas ramri DMZ ah an rak i tong ṭhan (hmanthlak), i biaruahnak pehzulh dingin lungtlinnak an rak ngei.

October thla ah Sweden ram ah biaruahnak tuah dingin khua an rak khan hrulh nain an ṭul. — Reuters

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -