Myanmar thawngla pawl an i phuak thluahmah

Tuni ah Myanmar Press Council chungtel 5 le Myanmar Times thawngla 10 leng an i phuak.

Myanmar Press Council chungtel aa phuakmi 5 cu;

  1. U Kyaw Min Swe,
  2. U Myint Kyaw,
  3. U Ze Kaw Hlaing,
  4. U Kaw Sua Min le
  5. Daw Way Ma Thein hna an si.

“Myanmar Press Council cu uknak chuttu ralkap nih an uk cang caah zumh awktlak asi ti lo i kan i phuak,” tiah aa phuakmi pakhat nih a chim.

Cun, Myanmar Times ngeitu nih nizaan ralkap thawngthanhnak ah hramhram in thawngla pakhat a kalter caah thawngla pawl an i phuak hna.

A tlawmbik 10 paoh an i phuak, tiah aa phuak vemi pakhat nih a chim.

Myanmar Times tadinca ngeitu cu Myanmar ralkap he aa kom ngaimi company ngeitu U Thein Tun a si. Myanmar Times zarh tin chuak tadinca le ni tin chuak tadinca zong amah ta an si.