6.2 C
Hakha
Saturday, January 23, 2021

COVID-19

Vawleipumpi
99,042,340
A zawmi
Updated on January 23, 2021 7:48 pm
Vawleipumpi
2,123,507
A thimi
Updated on January 23, 2021 7:48 pm
Vawleipumpi
70,954,931
A dammi
Updated on January 23, 2021 7:48 pm

Myanmar rammi 54 million leng an si cang

Advertisement

Nizaan, 2020 January 1 tiangah Myanmar rammi 54.45 million kan si cang, tiah Rian, Lahwahkah le Milu Vuanci Zung nih nizaan ah thawng a thanh.

2014 ah rampumpi milu relnak cu tlamtling tein kan lim, i 2019 thokin caankarlak milu relnak kan tuah peng, tiah acunglei langhtermi vuanci zung tangum Milu Zung nih a thanh.

Tu kum chungah Yangon region milu 8.47 million leng ah an karh lai. Mandalay milu zong 6.56 million lengah an karh ve lai i Shan state milu zong 6.47 million lengah an karh ve lai ti kan zumh, tiah Milu Zung nih 2019 June thla ah a rak thanh cang.

Chawlehnak

Ramri gate chawlehnak – Atu lio 2019-2020 Budget Kum hi October thla in aa thok i Dec 20 tiang ahkhan innpa ram pawl he ‘ramri gate’ chawlehnak in tangka US$2.4 billion a lut/chuak cang, tiah Chawlehnak Vuanci Zung nih thanh ve.

October 1 in Dec 20 tiangah, Myanmar ram nih ramri gate in innpa ram pawl ah thil kan zuarmi in tangka US$1.68 billion kan hmuh i innpa ram nih kan ram ah US$720 million man thilri an rung zuar ve, ati.

Liamcia budget kum he tahchun tikah tutan ramri gate chawlehnak cu US$615.9 million leng a karh. Ni kum budget kum ahcun atu tik ahhin US$1.78 billion lawng a rak lutchuak.

Thla 3 dengmang chung ahhin, Muse ramri gate in a lutchuakmi chawlehnak a tambik i US$1.27 billion leng asi cang. Mah chungah US$841 million cu Myanmar nih China ram ah thilri a kuatmi asi i US$432 million cu China nih Myanmar ah a kuatmi thilri asi.

Rili cung tilawng in chawlehnak – Myanmar nih ‘ramdang chawlehnak’ kan tuahmi vialte chungah 80% cu rili in kan kuat/lak. Atu lio budget kum, thla 3 dengmang chung ahhin rili cungin kuat/lakmi chawlehnak hi US$5.96 billion leng asi cang, tiah Chawlehnak Vuanci Zung nih a langhter.

Myanmar nih ramdang ah a kuat/zuarmi tambik cu cinthlakmi theipar, saram in sermi thilri, rili chung chuak in sermi thilri, vawlei tang chuak thilri, thing, sehzung sermi thilri le a dangdang hna an si.

Ramdang nih Myanmar ah a kuat/zuarmi tambik cu seh thilri, electronic (computer, phone, tbk.,) le mipi nih hman colh dingin ser dih cangmi thilri pawl an si.

- Advertisement -

Bawmh Khawh Kan Si

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan rianṭuannak ah bawmh a kan duhmi nan um cun, thla 1 $5 tein bawmh khawh kan si.

Ṭial Tharmi

Ṭial Tharmi

COVID-19

Vawleipumpi
99,042,340
A zawmi
Updated on January 23, 2021 7:48 pm
Vawleipumpi
2,123,507
A thimi
Updated on January 23, 2021 7:48 pm
Vawleipumpi
70,954,931
A dammi
Updated on January 23, 2021 7:48 pm
- Advertisement -