Wednesday, December 1, 2021

Sign in

- Advertisment -

Ṭial Tharmi

Myanmar ralkap nih thongtla 600 leng a thlah hna

Myanmar ralkap nih sandahpiahmi pawl cu a tlaih hna i Insein thonginn ah thong a thlak hna. Tuni March 24 ah minung 628 a thlah hna.

February 1, 2021 ah ralkap nih uknak a lak hnu in sandahpiahmi pawl le thawngla cheukhat a tlaih hna i thong a thlak hna.

Tuni hi Pi Aung San Suu Kyi cu Naypyidaw ah taza an cuaimi biahal ding a si nain internet phihmi ruangah April 1 tiang an thawn.

Pi Aung San Suu Kyi cu video call in biacheih ding a si nain uknak firtu ralkap nih internet a phih caah video call a ngah lo. Cucaah, ani an thawn hi a si.

Tuni Insein thonginn in a chuakmi lakah Chinmi zong an i tel len. Cun, AP thawngla Thein Zaw, kum 23 zong aa tel.

Thein Zaw

Thein Zaw cu ralkap nih thawng diklo na thanh tiin taza an cuaimi a si.

“Taza a ka cuaitu palek nih case a let tthan. Mah ruang ahcun a ruang zeihmanh um loin an ka thlahnak hi a si,” tiah Thein Zaw nih a chim.

Thein Zaw an tlaih lio ahhin Myanmar Now, Myanmar Photo Agency, 7Day News le Zee Kwet rianttuan thawngla pawl zong an tlaih ve hna.

Anmah pawl kong cu theih a si rih lo.

“Insein thonginn in thongtla Pa 360 le nu 268 kan thlah hna,” tiah palek bawi pakhat nih a chim.

- Advertisement -
Rel Bikmi