Myanmar palek 3 cu ralkap bawi nawl pekmi tuah duh loin India nichuahchaklei Mizoram state ah an zaam, tiah India palek nih tuni ah an chim.
Palek 3 cu Nithumni ah Vanlaiphai khua chaklei i ramri in an rak lut. India nawl ngeitu nih an ngandamnak an check hna i an umnak ding an tuak tan piak hna.
“Ralkap bawi nih tuan ding a kan fialmi a um i kan tuah duh lo caah kan zaam tiin palek 3 nih an chim.
“Ralkap nih Myanmar ram an hruai caah India ah an rak zaam hi a si,” tiah Serchhip district palek bawi Lalrinawma nih a chim.
February 1, 2021 ah ralkap nih Pi Aung San Suu Kyi le President U Win Myint telhin ram hruaitu pawl a tlaih hna hnu ah nawl ngeihnak a lak.
Cu ruangah, mipi pawl cu ralkap duh lo langhter in sandah an piah hna i atu tiang ah rammi 50 renglo an thi cang.
India ram ahhin Myanmar ram buainak ruangah Chin miphun telhin Rohingya le miphun dang tampi an i dor hna. – The Star
