Nizaan ah Myanmar pa nih Malaysia nu tlaihhrem a timh caah palek nih an tlaih.
Sepang peng palek bawi Yusof nih, “khua mui lai 6:40pm ah phone a kan chawnh,” tiah a chim.
“Kum 35 Malaysia nu cu a hawinu he Taman Tasik Community ah an kal lio ah Myanmar pa nih tlaihhrem a timh.
“Minu cu a keng in a tlaih. Minu nih a hro i pawngkam mipi nih an hung zuan hnawh i Myanmar pa cu an tlaih.
“Minu nih poipang bawmh halnak phone number 999 a chawnh. Palek an phak ah Myanmar pa cu pawngkam mipi nih an rak tlaih cang, palek kut ah an ap,” ati.
Tlaihhrem Upadi Pohma 354 in taza an cuai lai. Biaceihzung nih a sual tiin bia a khiah cun a tambik kum 10 tiang thongthlak pinah fungfek tuk aa huah kho.
Malaysia media nih, “Myanmar pa” ti lawng a ṭial i a min le miphun a ṭial lo, nain hi bantuk a hmangmi cu Rohingya deuh an si.
