20.6 C
Hakha
Tuesday, June 22, 2021
- Advertisement -

Ṭial Tharmi

Myanmar nu tlaihhrem a timtu Singapore pa thongthlak tong

Singapore — A nupi, a fale le a nupi nulepa ramdang an tlawn tiang a hngah hnu ah, a sinum kum 23 Myanmar nu cu voi 2 tiang tlaihhrem a timh, tiah New Straits Times nih tuni ah a ṭial.

Changi Airport ah rian a ṭuanmi pa nih hin a sinum nu cu voi dang zongah kal pah in a hnor i a tongh pah lengmang.

Stanley Cheng Kim Han cu kal pah hnor le tongh sawh lawng aa zat ti lo caah, 2016 November 28 ah a sinum nu ṭaang cungah alu chiah, a thaizing ah a hnulei in a kuh i a hnuk tongh.

Tu kum August thla ah biaceihtu Edgar Foo nih fa 2 ngei kum 44 pa cu ni 10 chung bia a hal hnu ah ‘sualnak voi 2 na tuah’ a ti.

Zahan October 1 ah, baiceihzung nih thla 11 thong a thlak, fung in voi 3 tuk pinah tangka S$5,000 dantat chap dingin bia a khiah.

Myanmar sinum nu cu atu hi kum 26 asi cang, biaceihzung nih a min langhter lo dingin nawl a chuah caah langhter awk ṭha lo. Pu Cheng nih tlaihhrem a timh lio ahhin an sinah thla 2 te lawng a ṭuan rih.

Mah lio cun a lahkhah S$68 zong a rak pe rih lo. Thla 2 chung an sinah a ṭuan cang nain Kawlram a chungkhar phone chawnhnak nawl zong a rak pe lo.

An inn um CCTV video cu tazacuaitu cozah sihni nih biaceihzung ah an ap. Pu Cheng nih tlaihhrem a timh hnu cun a umkhua a nuam ti lo ti hmuh khawh asi.

Pu Cheng nih an inn CCTV camera umnak cu a hngalh dih caah camera um lonak ihnak khaan chung le ti kholhnak khaan chungah tlaihhrem a timh.

Sinum nu nih 2016 November 28 ah biaceihzung ah tehte a rak chim, “9pm hrawngah Pu Cheng nih zaan rianṭuan a kal lai ah ka vorhlei ṭang cungah alu chiah,” ati.

“Khatlei kaa mer i ka kaltak, mah hi cu zeihmanh ah ka ruat lo. Nain a thaizing ah aa ka tuai ṭhan.

“Anmah ihnak khaan chung um ti kholhnak kuang hnawt dingin ka kun lio ah thilsuknak seh ah thil chia dingin a ra, ka hnulei in aa ka kuh i ka hnuk tongh,” tiah a chim.

Pu Cheng cu leng a chuak ṭhan colh. Zaanlei a rung ṭin ahcun, Myanmar sinum nu cu a rak ṭap len ko. Ka puaisa chawnh ka duh a ti.

Myanmar sinum nu nih, “avoi 2nk aa ka tuai hnu cun, ka thinphang i ka ningzak. Avoi 2nk aa ka tuai hnu lawngah avoi 1nk a rak ka tuaimi kha ka lung a hung pem. Ka thinphang i an sin rianṭuan ka ngamh ti lo,” ati.

“Amah he lawng um zong ka ṭih cang,” tiah a chim.

A puaisa a chawnh hnu ah, a manager nih Pu Cheng cu ‘na sinum nu nih tlaihhrem aa ka timh a ti, palek sakhan ah report va tuahpi…’ tiin a chimh. Pu Cheng nih a duh lo nain, hnu ahcun a va tuahpi.

Tazacuaitu cozah sihni pawl nih “Pu Cheng nih palek sakhan ah report a tuahpi lio ahhin lih a chim, ka sinum nu nih mi nih an ka tlaihhrem ati tiin report a tuahpiak,” an ti.

Pu Cheng cu biaceihzung ah bia an hal lio ah a sihni nih, “sinum nu nih midang sin ah i ṭhial a duh ruangah lih in a puhmi si…,” ati.

Sinain, tazacuaitu cozah sihni Asoka Markandu nih, “sinum nu hi Pu Cheng te chungkhar sinah rianṭuan a duh lo timi tehte pakhat hmanh um lo. Pu Cheng nih horduhcuai in a tuai hlan cu aa nuam peng ko, CCTV ah fiang tukin kan hmuh,” ati.

“Sinum nu cu hla zong a sa tawn i ai nuam tawn ko, a caan cun innka darkhing aw thawng zong a cawn tawn, Pu Cheng nih a tuai hnu ceo in aa nuam ti lo,” tiah a chim.

Pu Cheng cu atu hi biaceihzung nih bia a khiah piakmi a nawl liopi asi.

- Advertisement -

Ṭial Tharmi

Malaysia um refugee pawl cu ‘CanSino’ raikhamsi chunh an si lai

Malaysia um refugee pawl zong raikhamsi chunh an si ve ko lai. CanSino raikhamsi chunh an si lai, tiah Malaysia cozah nih a thanh. Malaysia...

Chin refugee an i telnak Malaysia movie nih Shanghai ah ‘movie ṭhabik laksawng’ a ngah

'Barbarian Invasion' timi Malaysia um Chin refugee 2 an i telnak movie nih China ram Shanghai ah movie ṭhabik laksawng Jury Grand Prix a...

Russia ah Min Aung Hlaing a phan

Myanmar uknak firtu ralkap bawizik Min Aung Hlaing cu humhimnak meeting kai dingin nizaan ah Russia khualipi Moscow a phan. February 1 ah uknak...
- Advertisement -

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -