Myanmar nih Rohingya 30 a tlaih hna

Myanmar nih Rohingya 30 a tlaih hna

Irrawaddy ramtthen, Ngapudaw peng, Ngayokekaung khua ah Rohingya 30 cu Myanmar palek nih motor pakhat ah an tlaih hna tiah khuami nih an chim.

An tlaih hna hi September 27 ah a si i Rohingya pa 9, ngakchia 1 le nu 20 an si. Palek le lahwahkah nih khoika in dah an rat ti an hlathlai lio a si caah fiang tein thawng an thanh rih lo.

Atu tan an tlaihmi hna hi khoika in dah an rat ti cu an fehter rih lo nain lam cung le tilawng ah tlaih tawnmi tam deuh cu Rakhine state ah a ummi ralzaam buk ah a ummi an si hna.

Hi kongah Irrawaddy remtthen lahwahkah, ramri veng palek bawi cu media pawl nih pehtlaih an timh hna nain chawnh khawh an si lo ti a si.

Rakhine state cu Bangladesh rili he aa pehmi a si ruangah Rohingya tampi cu tilawng in an zaam hna. Cheukhat cu Rakhine Yumah tan motor in an zaam hna.

Rohingya pawl cu an umnak khua ah nuhrin covo an ngei lo. Zalong tein an duhnak hmun ah an tlawn khawh lo ruangah mi tampi cu Thailand le Malaysia ah kal an i tim i lampi ah tlaih an tong lengmang. – RFA

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.