20.6 C
Hakha
Tuesday, June 22, 2021
- Advertisement -

Ṭial Tharmi

Myanmar nih a duh lomi Rohingya 119 cu Malaysia kal an i thawh lio ah Bangladesh nih a tlaih hna

Malaysia luhpi dingin Rohingya 119 a phortu thing tilawng cu rili chungah pil a timh lio zahan ah Bangladesh ramri rili vengtu palek pawl nih an tlaih.

Rohingya minung ting 10 dengmang (Chin state milu nakin let 2 tam) cu Myanmar nih a duh hna lo i a hrem hna, a thah hna, a tlaihhrem hna, inn a khanghpiak hna caah nunnak kawl in an zaam i Myanmar ramri Bangladesh leikam ah i teet taktak le thurhnawm taktak in an i dor.

An i dornak ralzaam camp ahcun pawcawmnak rian ṭuan awk zong a um lo, sianginn kainak zong a um lo. Thong tampi cu Thailand le Malaysia ah phungninglo in luh an i zuam peng.

Ramri rili vengtu palek biachimtu Saiful Islam nih, “ngatlaitu pakhat nih thawng a kan thanh hnu ah tilawng cu Bangala Pinlayaw (Bay of Bangal), Bangladesh thlanglei Saint Martin tikulh pawngte ah kan va hmuh,” tiah a chim.

“An tilawng seh a rawh caah a chungah ti a lut. Rili chungah a rak pil deng cang. Tlai deuh ah phan usih law a rak pil cang lai,” ati.

“Tilawng chungah Rohingya 119 an rak um. Nu 58 le ngakchia 14 an i tel. Malaysia ah kal an rak i tim.

“Tu kum chung, tilawng cung Rohingya kan hmuhmi vialte lakah tutan hi an tambik,” tiah a chim.

Tu kum atutiang ah, Bangladesh palek nih Malaysia kal aa thawhmi Rohingya 500 leng an tlaih cang hna.

Phungninglo in Rohingya pawl Malaysia luhpi a timtu pawl cu palek nih an hmuh hna tikah meithal in an kah hna caah palek nih an kah ve hna i a tlawmbik minung 7 cu thi lakin an kah cang hna.

Abikin, fur a hung dihka atu bantukin ti a zor i ngatlaihnak tilawng hme tete zong lam hlapi an kal khawh lio caan ahhin Rohingya pawl tilawng in Malaysia le Thailand kal i thawh a tam khun. — AFP

- Advertisement -

Ṭial Tharmi

Malaysia um refugee pawl cu ‘CanSino’ raikhamsi chunh an si lai

Malaysia um refugee pawl zong raikhamsi chunh an si ve ko lai. CanSino raikhamsi chunh an si lai, tiah Malaysia cozah nih a thanh. Malaysia...

Chin refugee an i telnak Malaysia movie nih Shanghai ah ‘movie ṭhabik laksawng’ a ngah

'Barbarian Invasion' timi Malaysia um Chin refugee 2 an i telnak movie nih China ram Shanghai ah movie ṭhabik laksawng Jury Grand Prix a...

Russia ah Min Aung Hlaing a phan

Myanmar uknak firtu ralkap bawizik Min Aung Hlaing cu humhimnak meeting kai dingin nizaan ah Russia khualipi Moscow a phan. February 1 ah uknak...
- Advertisement -

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -