Myanmar mipi nih Insein thong ah bomb 2 an puah

- Advertisement -

A minchia taktakmi Yangon um Insein thong ah tu zingka 7am hrawngah bomb 2 an puak.

Minung hliam tongmi an um/lo hngalh asi rih lo, tiah pawngkam mipi nih an chim.

Yangon, Aungmingladon lam ah ummi Insein thong private khaan pawng ah soundbox in ‘hawi dawt hna, nan thachia hlah uh’ tiin aa thokmi aw a chuak. Tlawmpal ah soundbox pawng in bomb 2 a changchang in an puak.

Bomb he an pehmi soundbox in, “Thong chungum hawi dawt hna, nan thachia hlah uh. Nan authawng kan theih ko. Ral kan tukmi a dih rih lo. Kanmah zong ral kan tu cuahmah rih. A dihdongh tiang nun i zuam uh. Kan i zuamnak le pekchanhnak theipar kan zun hrimhrim lai.

“SAC cu ICJ hmanh ah a kal ngam lomi, tlaih ṭih in a zaammi ceo asi cang. A ralkap hmanh a thatmi cozah asi cang.

“Nan authawng vawleipi nih a theih. Hawi dawt hna nun i zuam uh! Ral a dih rih lo. Khat le khat i zohkhenh uh. Khat le khat i bawm uh. Khat le khat i veng uh. Ngandam i zuam uh. Kan ral kan tei hrimhrim lai. Ralkap uknak kan thlak hrimhrim lai,” timi aw a chuak.

Mah dih cangka cun bomb 2 a changchang in an puak. — Khit Thit Media

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...

Ukraine cu Poland nih ral tuknak vanlawng 28 bak FREE in a pek

Update: US nih a duh lo caah an leet. Poland nih dairek in Ukraine kuat a ngamh lo...

US: Ukraine nih a tei lai

US Ramdang Vuanci Pu Blinken (hmanthlak) nih, "Ukraine nih teinak a hmuh lai," tiah a chim."Russia nih Ukraine...

US le NATO nih Ukraine sinah ral tuknak vanlawng kuat an timh

US le NATO nih Ukraine sinah ral tuknak vanlawng kuat dingin khua an khan liopi asi.US Ramdang Vuanci...