22.5 C
Hakha
Tuesday, June 22, 2021
- Advertisement -

Ṭial Tharmi

Myanmar Idol nih ‘Ester Dawd Chin Sung’ tiin a tialmi hi a phung silo

Kawl nih Chin min an palh hi a tam ngai cang. Palh sualmi asi ahcun hopaoh nih theihthiam asi. Nain an palh sualmi si lo. A min kan tialmi hi a dik maw ti hrimhrim khi check an i tim lo, apoi ah an chia lo hrimhrim. Ram pumpi ah amah min si lomi piin TV va thlah te hna an zei sia dek a rem. Mi nehsawh bak asi.

Ramdang ahcun thawngla (journalist) le hi bantuk zuamnak a tuahtu company nih an min kan palh sual lai ti an phan caah ‘anmah tein an min an tial ter hna silole an min cafang fonh an hal hna’.

Galaxy Star Myanmar le Melody World nih Lal Din Thari min cu Lar Dint Htar Yi tiin an tial ve. Lar Dint Htar Yi timi cu zei taktak hmanh sullam a ngei lo.

A bikin mi vialte sinah TV, video le thawngzamhca in thlahmi interview, zuamnak, tbk., hrim ahcun an min palh piak phung asi lo. Mi nunnak hrawh bak asi.

Min cu minung khat le khat i thleidan khawhnak caah sakmi asi. Na min cafang fonh an palh ahcun nangmah na si ti lo.

Galaxy Star Myanmar le Melody World nih mi vialte sinah Lar Dint Htar Yi tiin an tial peng ruangah mipi nih Lal Din Thari cu aho si zong an hngal ti lo, i amah zong nih a Facebook min cu Dint Htar Yi tiin i thlen lawlaw hau dirhmun tiang a phan.

Esther Dawt Chin Sung hi Top 10 tiang phan sehlaw Kawlram mipi nih an theih dih lai. Nain, Myanmar Idol nih Ester Dawd Chin Sung tiin a tial peng ahcun a Facebook zong Ester Dawd Chin Sung tiah sullam ngei lo piin thlen ve a hau te lai. A thlen lo cun Kawlram mipi nih an thei ti lai lo i aa zuammi santlai lai lo. Kawl hla album aa chuah zongah Ester Dawd Chin Sung tiin a tial lo cun a man ti lai lo.

Kan chuahka in kan min a si pengmi media le company nih thlenpiak (palhpiak) te hna hi a phung hrimhrim si lo. Anmah ruangah min i thlen hau dirhmun kan phak awk si lo. Media le company nih mi min palhpiak phung si lo.

Mah ruang cun, Myanmar Idol nih Esther Dawt Chin Sung tiah a sining tein a tial hrimhrim a herh. Kawl pawl nih tlangcung miphun min hi an duhpaoh in an tial awk si lo, anmah an tialter hna lole cafang fonh an hal hmasa peng hna a herh.

Ahopaoh i palh phung si i palhmi cu remh phung asi, nain tial hlan ah dik tein tial duhnak lungput ngeih lo kha cu mi zeirel lo, ninghngal taktak asi.

The Independent thawngzamhca nih “min palh piak cu ninghngal taktak asi” tiah a ttial.

Journalism School ahcun mi min cafang fonh palh ahcun, zei tlukin na thawngpang tialmi a that zongah sungh bak asi.

- Advertisement -

Ṭial Tharmi

Malaysia um refugee pawl cu ‘CanSino’ raikhamsi chunh an si lai

Malaysia um refugee pawl zong raikhamsi chunh an si ve ko lai. CanSino raikhamsi chunh an si lai, tiah Malaysia cozah nih a thanh. Malaysia...

Chin refugee an i telnak Malaysia movie nih Shanghai ah ‘movie ṭhabik laksawng’ a ngah

'Barbarian Invasion' timi Malaysia um Chin refugee 2 an i telnak movie nih China ram Shanghai ah movie ṭhabik laksawng Jury Grand Prix a...

Russia ah Min Aung Hlaing a phan

Myanmar uknak firtu ralkap bawizik Min Aung Hlaing cu humhimnak meeting kai dingin nizaan ah Russia khualipi Moscow a phan. February 1 ah uknak...
- Advertisement -

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -