28.8 C
Hakha
Sunday, March 29, 2020
More

    Myanmar Idol ah Wild Card in Tan Khun Kyaw a kir

    Follow Us

    99,923FansLike
    441SubscribersSubscribe

    Ṭial Tharmi

    - Advertisement -

    Myanmar Idol hlasak zuamnak ah Channel 9 Wild Card winner cu aho dah si lai tiin mipi nih an hngah len lio ah mi tampi nih ruahciami Tan Khun Kyaw a si taktak ko.

    Wild Card winner caah tuzaan Myanmar Idol nih mipi pekmi vote a langhter ning ah Yaw Kee le Tan Khun Kyaw hi an i tluk dengmang. Tan Khun Kyaw nih a tei deuh caah amah nih a ngah.

    “Atu bantuk in avoi 2nak Myanmar Idol season 4 zuamnak stage cungah ka kai khawh tthanmi hi thazaang a ka pe i a ka dawtu mipi nih vote nan ka peknak thawng in a si.”

    “Vote a ka petu nan dihlak cungah kaa lawm tuk hringhran. Zumhngamnak he vote nan ka pek ruangah Wild Card winner ka si, winner he aa tlak dingin a tthabik in kaa zuam rih ko lai,” tiah Tan Khun Kyaw nih a chim.

    “Ka fapa, kaa lawmhnak ka chim cawk lo. Ka lung chung tein ka ruahdamhmi he aa khat. Congratulations” tiah biakhiaktu Aung Ko Latt nih a chim.

    “Tan Tan, lunglawm tein kan in don. Kan lawmhpi. Tuzaan puai cu nan i dawh tuk hna. Phyu Phyu Kyaw Thein hlasak puai ka zoh cang lai hih” tiah biakhiaktu Phyu Phyu Kyaw Thein nih a ti.

    Tuzaan cu Top 4 le Wild Card winner pawl cu hla fung 2 cio in an i zuam.

    Nawlnak: Kan website chung ca hi website dangah copy piak lo dingin kan in nawl hna.
    Hniang Zi
    Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.