Myanmar Idol ah hlasak aa zuammi Chin pa Yaw Kee

Myanmar Idol ah hlasak aa zuammi Chin pa Yaw Kee

Mindat khuami Yaw Kee cu Myanmar Idol season 4 ah hlasak aa zuam i Golden Ticket zong a ngah cang.

“A Kee tiin an ka auh. Atu lio hi NGO ah rian ka ttuan. Hlasak i ka zuamtuk ruangah ka rak i zuam hi a si,” tiah Yaw Kee nih interview ah a chim.

“Na hlasak dan cu tlang cungah hla a sami kan lawhter. A ttha tuk,” tiah judge Ko Aung Lat nih a ti.

“Ka caah duh na nung tuk. Midang ca zongah si ko lai. Tlangcungmi tamdeuh cu hla an sak tik ah biafang a fiang lomi tete a um tawn. Nang cu ka ruah lo tuk in a tha. Key sang na kai le na tum zong ah na aw aa dawh tuk,” tiah judge Tin Zar Maw nih a ti.

“Na awmaang aa phundang ngai. Na hlabia na kan piah lo nain kan ngaih ah kan fiang dih,” taih judge Phyu Phyu Kyaw Thein nih a ti.

Atu tiang kan theihmi ah Myanmar Idol Season 4 ah hlasak aa zuammi hi Chinmi in Esther Dawt Chin Sung, Benjamin Sum le Yaw Kee hna an si. Thazaang pe cio hna usih.

Yaw Kee hlasak aa zuam lio cu a tanglei video ah tling deuh in zoh khawh a si.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.