Myanmar cu UN Meṭing ah bia chimnak nawl an pe lo

Tutan UN Bupi Meṭing (UNGA) ah Myanmar ram aiawh in hohmanh bia an chim lai lo, tiah UN biachimtu nih nizaan ah a chim. Uknak firtu ralkap le NUG nih UN meṭing ah Myanmar ram aiawh an i cuh nain an pahnih ningin bia chimnnak nawl an pe veve hna lo.

“Atutiang ahcun, Myanmar cu UN meṭing ah bia a chim lai lo,” tiah UN biachimtu Stephane Dujarric nih a chim.

Hmasa ahcun, Aung San Suu Kyi nih Myanmar UN Palai ah a rak thimmi Kyaw Moe Tun nih UN meṭing a donghnak ni Nikhatni ah Myanmar aiawh in bia a chim te men lai, tiah zumh cio asi nain.

Kyaw Moe Tun hi Myanmar aiawh in UN meṭing a kai ko nain bia chimnak nawl an pek lo caah a ṭhu sawhsawh.

“Myanmar ralkap cozah hi UN meṭing kan kai ter lai lo. Nain atu lio Myanmar UN Palai Kyaw Moe Tun hi a hmur cip ve seh ….” tiin US, China le Russia lungtlinnak an ngeih caah asi.

Kyaw Moe Tun nih, “Bia ka chim lai lo. Tutan UN meṭing ahcun bia ka chim lai lo. UN chungtel Cohlangtu Kawmiṭi ah aa telmi US, China le Russia lungtlinnak an ngeihmi um caah asi,” tiah Reuters sinah a chim.

Myanmar ralkap cozah nih cun Myanmar UN Palai caah Aung Thurein a thim nain atutiang ahcun UN nih a cohlang rih lo.

UN chungtel Cohlangtu Kawmiṭi ahcun US, China le Russia telh in ram 9 an i tel. October silole November thla hrawngah meṭing an tuah lai i UN ah Myanmar aiawhtu dingah ralkap cozah maw kan cohlan lai asiloah NUG dah timi an khiahte lai.

An khiah hlan chung paoh cu Kyaw Moe Tun hi Myanmar UN Palai asi rih ko lai.

Lian
Lianhttps://thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih. Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh. "Missile kahnak seh kan remh...