Myanmar cozah nih ramdang ah aa tapmi a rammi 10,000 leng a lak cang hna

- Advertisement -

Myanmar cozah nih ramdang ah aa tapmi a rammi pawl cu vanlawng in a lak hna i August 12 zaan tiangah minung 10,482 a lak cang hna.

Covid-19 ruangah ramkip nih an ramri an khar hna caah ramdang phan Kawlrammi tampi cu Myanmar ram ah tlung kho loin an i tap i harsatnak an ton caah Myanmar cozah nih vanlawng in a lak hna hi a si.

Nizaan Nithum ahkhan Kawlrammi US in 92 le South Korea in 33 cu vanlawng in Yangon airport an phan.

Ramdang in a tlungmi pawl cu Yangon cozah le nawl ngeitu nawlchuahmi tangah ni 21 chung khumherhnak hmun (quarantine) ah chiah an si.

Myanmar Ramdang Vuanci Zung nih ramdang ah emergency in ngandamnak piah a duhmi, surgical appointments ngeimi hna le ramdang ah rianttuan, sianginn kai ah a kal i Myanmar ram tlun a duhmi hna caah cozah nih vanlawng kan timhtuahpiak hna tiah naite ah a thanh.

Myanmar cozah nih Covid-19 zawtnak karh hlah seh tiin a ramchung khualtlawng phihkhamnak cu August 31 tiang a sauh.

Myanmar ram ah Covid-19 zawtnak ngei hmuhmi dihlak 361 an si. A thimi 6 an si.

Ṭial Tharmi

Kalaymyo ah Quarantine lutmi minung 7 tazacuai an tong

Sagaing ramtthen, Kalaymyo ah Quarantine Center ah a lutmi minung 7 cu zuu an ding i sianginn kutka an hrawh caah ram...

Malaysia Covid-19 mizaw thar 95, a thimi 1

Tuni September 18 ah Malaysia ram ah Covid-19 mizaw 95 an hmuhchap hna i zawtnak ngei hmuhmi dihlak 10,147 an si cang.

Pastor Te Soiselnak Sawhsawh a Lo Nain | Salai Bawi Lian Mang

BIA KAA-KHAT | By Salai Bawi Lian Mang (Note: Mah ca hi 2005 May thla ah Lai Forum ah...

Nazareth Khua ah Minung 2 Meithal Kah in an Thi

Judah (Israel) ram Nazareth khua ah zahan zaan ah meithal kahnak a chuak i pa pahnih an thi, tiah Israel media pawl...
- Advertisement -