Hakha khua aiawh in Miss Universe Myanmar 2020 aa zuam i pakhatnak a ngahmi Thuzar Wint Lwin (Miss Hakha) cu a ra laimi ramkip miss zuamnak Miss Universe ah Myanmar ram aiawh in aa zuam lai.
Miss Universe Myanmar 2020 zuamnak cu December 30, 2020 ah Yangon ah an tuah i Thuzar Wint Lwin nih a ngah hi si.
Kum 22 ngaknu cu East Yangon University ah English major a donghnak kum kai lio asi.
Miss Universe Myanmar 2020 pahnihnak laksawng cu Miss Myawaddy Han Lay, kum 20 nih a ngah.
Miss Universe Myanmar 2020 zuamnak cu Myanmar ram khuapi 35 aiawh in nungak 35 an i zuam.
Thuzar Wint Lwin hi Chinmi asi lo nain, aa zuammi pawl kha Myanmar ram chung khua min aiawh in an zuamter hna caah Hakha khua aiawh in aa zuammi asi.
Candy Thuzar tiah dawtnak in an auhmi Miss Universe Myanmar 2020 cu pe 5 le letmah 6 a sang.
Laipa zaraan cu letmah 1 hrawng in a kan lonh. Kedil sang aa denh lebang ahcun Laipa cu a kan khuh dih ko lai. Laimi hi zei ruang dah kan hmet tuk hnga …
