MRT, LRT Le Monorail Man Cu 50% Discount A Si

Malaysia: Prime Minister Datuk Seri Najib Tun Razak nih Nihnihni thok in cun Malaysia MRT, LRT le Monorail man cu 50% discount a si lai tiah Nikhatni ahkhan a chim. A thei cangmi le 50% discount in aa cit cangmi zong kan tampi ko lai nain a hngal rih lomi caah kan rak ttial.

Hi 50% discount cu August 31, Malaysia Merdeka Day hlan tiang a si lai tiah PM Najib nih a chimchap. Hi ti thawng a thanh hi suimilam pakhat ah 51km a kal khomi Mass Rapid Transit (MRT) Sungai Buloh-Kajang vawlei tang tlanglawng thar hunnak puai ah a si.

“Kajang ummi hna nih Bukit Bintang nan kal tikah minutes 33 lawng a rau lai i, a man cu RM3.80 lawng a si lai. Traffic a jammi a zuar deuhnak hna mi tampi nih nan i thim ttheu lai tiah ka zumh” tiin PM Najib nih a facebook ah a ttial.

The Star

Theihternak: Puchong, Pusat Bandar Puchong LRT tlanglawng in ImBi tiang kan kai tikah minung pakhat ah RM4 le apia a si tawnmi kha a tu cu RM2 le apia lawng a si cang.