Mipi nih keimah nakin ka fale an dawt deuh cang hna: Thet Mon Myint

Mipi nih keimah nakin ka fale an dawt deuh cang hna

Mipi nih keimah nakin ka fale an dawt deuh cang hna. Ngakchia lentecelhnak an rak pek hna zongah mah hi Ar Chit caah, Mah hi Lawan caah tiin an ti. Keimah ca aa tel ve lo ma ka ti hna ah pangpar in an ka hnemh tthan,” tiah Myanmar actress Thet Mon Myint nih a chim.

Thet Mon Myint: Mipi nih va ka ngeih in fa ka ngeih tiang thazaang an ka pek. Keimah lawng siloin ka fale tiang an dawt hna tikah kaa lawm tuk.

Ka fale cu keimah bantuk rian hi ttuan hna seh tinak in anmah duhmi te tuah hna seh ti ka duh. Kei cu nulepa sinak in bawmh lawng kha ka duhmi a si. Keimah duhmi tuahter hna ka tim lo.

Cawngia i thla dingin a kan sawm ahhin ka fale cu an zuam hnga maw tiah ka tuahpi chun hna. Ar Chit hi a hlan ahcun mi hmai ah a ningzak. Ka hnulei ah aa thup. A ka kuh, i cawi a hau.

Atu ahcun, hmanthlak zongah a duh rua lo tiin kan kalter nain amah tein a ra i acting hna a tuah. A zuam cang kan ti lai cu. Minta zong ka tuan lai a kan ti. A zuam tak ko ahcun biatak tein thazaang kan pek ko lai.

Keimah nih cun mifim, cathiam siter ka duh. Fimcawn a herh lio caan a si ahcun fimnak kha usape si ko hnga i, khat lei in a zuammi thil/rian zong tuah khawh ding si ahcun tuah chih si ko hnga.

Ka fanu cu atu tiang ahcun hla sak a huam. Keimah thlak ding video script hna khi a kut piah pah in a sak. Zei a sak ti cu ka hngal lo nain, a au khuang zungzal ko. Hmailei ah zeidik lawh te lai ti cu ka thei rih lo. – MC

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.