14.7 C
Hakha
Wednesday, October 20, 2021
- Advertisement -

Ṭial Tharmi

Miphun dawtnak lungthin ngeimi Pi Ngun Taang

Ram le miphun caah rian a ṭuan liomi CNA fale hna caah $100 te hi na ka kuatpiak kho hnga maw tiah Pi Ngun Taang (David nu) cu kan dawr ah a ra i a rak ka pek.

David Nu cu Thantlang peng, Rua khua khuami a si. Atu hi Indianapolis khua ah a ummi si.

A duh na loin video kan thlak ko lai ka ti i video ka thlakmi zong ka van tar chih.

David nu hi fa 4 ngeimi a si. Malaysia an um lio, a fa hniang bik a chuahka ni 3 ah an pa nih a thih tak hna. Anmah nufa rual telawng US ah an phan.

Mirang holh pakhat hmanh a thiam lo. Motor zong aa mongh kho lo. Nain, thlacam bak i bochan in a fale 4 hi a zohkhenh hna. An har ngai ko lai ti a fiang.

“Pathian dawtnak in hika ah kan ra. Bawipa nih a dongthiam lomi a dawtnak in lam a kan hruai ko.

“Pathian dawtnak kan ti ko bu ah kan fale, kan nau le hi rak um hna hlah sehlaw hika hmun ka lamhnak ding a ruang pakhat hmanh um lo.

“US ram ka phak hnu in kum fatin bawmhnak pek ka duh ngai ko hna nain ka pe kho lo. Pehtlaih hna ning ka thiam lo ruangah a si.

“Voi tampi ka va pek khawh lo zongah ka nun chung cu pek khawh kaa zuam ko lai timi hi kaa seh chih i Bawipa nawl tu si ko seh,” tiah Pi Ngun Taang nih a chim.

A tanglei ah a video in zoh khawh a si.

Credit: Van Ceu Uk Khenglawt

- Advertisement -

- Advertisement -

Rel Bikmi

Subscribe to The Chin Express Youtube

The Chin Express nih interview kan tuahmi hna le video thar kan tarmi pawl zoh lengmang na duh ahcun kan Youtube channel ah Subscribe tuah ve.

- Advertisement -