7.2 C
Hakha
Tuesday, December 10, 2019
More

    Minung 34 an thihnak Mon state ah Pu Henry Van Thio a va kal

    Follow Us

    99,417FansLike
    260SubscribersSubscribe

    Ṭial Tharmi

    - Advertisement -

    Myanmar: Mon state, Thae Pyar Kone khuate ah vawlei a min i minung 34 an thi. Mi tampi an tlau. Mibawmtu nih an kawl hna lio a si.

    Tuni ah Myanmar Vice President [2] Pu Henry Van Thio le Union minister Win Myat Aye cu Thae Pyar Kone khuate, Tan Phyu sang an phan.

    Ningani ahkhan Thae Pyar Kone khuate ah ruah fak tukin a sur caah tlang a cim i vawlei nih inn 16 le phungki biakinn a chilh. Minung tampi nawncek chungah an thi, an tlau.

    Mibawmtu phu nih zaan khuadei mi tlau le miruak an kawl. Atu tiangah miruak 34 an hmuh cang. Atu zong an kawl cuahmah hna.

    “Atu tiangah miruak 34 kan hmuh cang. Kan kawl cuahmah rih hna,” tiah khuabawi Myo Min Tun nih a chim.

    Minung 47 hliam an tuar i, a tlawmbik minung 80 leng an tlau tiah ruah a si.

    “Mah hi kan inn a si. Nain atu ahcun a lo dih cang. Zeihmanh kan ngei ti lo. Ka fapa le ka pa telhin kan chungkhar minung 9 an thi,” tiah ngaihchiat tongmi Nyo Nyo Win (kum 35) nih a chim.

    “Boom tiin thawngpang ka theih i, mah ahcun nawncek tangah ka um colh,” tiah Pyo Ko Ko Oo nih a chim.

    Naihrawng cu Myanmar ram thlanglei ah ruah fak tuk in a sur caah ti a lian i minung 12,000 hrawng cu hmundang ah tthialter an si. _ CNA, BBC

    Nawlnak: Kan website chung ca hi website dangah copy piak lo dingin kan in nawl hna.
    Hniang Zi
    Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.