23.2 C
Hakha
Saturday, February 29, 2020
More

    Minung 176 thihnak vanlawng cu Iran nih missile in a kahmi si: US, Canada, UK

    Follow Us

    99,932FansLike
    441SubscribersSubscribe

    Ṭial Tharmi

    - Advertisement -

    Ukraine vanlwang cu Nithumni zingka ah Iran khualipi Tehran in a zuan tlawmpal ah a tla i a chungin minung 176 an thi dih – mah kong a rel rih lomi nih mah hi hmet law tling tein rel khawh si.

    Iran cozah nih “vanlawng seh a rawh ruangah a tlakmi si” ati nain US, Canada le UK cozah nih cun ‘Iran nih missile in a kahmi si, a kah hrammi si loin a kah sualmi si kho men’ an ti.

    “Iran nih a kah thlakmi si tiah ralṭha tein kan chim ngam,” tiah Nilini ah US cozah rianṭuan pakhat nih a chim. “Vanlawng a tlak lai te ah Iran missile tlaihnak radar nih a tlaih. A kahnak missile cu ‘Gauntlet’ ti zongin auhmi Russia-ser ‘SA-15’ asi i vawlei in van kahnak missile asi,” ati.

    Hmanthlak: Vanlawng a tlami

    US cozah rianṭuan si vemi pakhat nih, “Iran nih a kah sualmi si men lai tiah US nih kan zumh,” tiah a chim.

    Iran cozah biachimtu nih “lih ngan taktak asi” tiah a leh hna.

    US cozah riantuan 2 nih cun, “vanlawng hi seh rawh ruangah a tlak ahcun hmun bi deuh ah a tla lai, atu cu hmun kaupi ah ai vorh dih,” an ti.

    President Donald Trump zong nih, “a seh rawh ruangah a tla an timi cu ka lunghring ngai” tiah ‘sehrawh’ a zumh lonak kong a chim.

    Canada Prime Minister Justin Trudeau le U.K. Prime Minister Boris Johnson zong nih, “Iran nih a kahmi si tiah tehte nih a langhter,” tiah an chim ve.

    “A kah hrammi cu a si men lai lo. Fiang tein hlathlainak kan tuah lai,” tiah PM Justin Trudeau nih a chim. A thimi 176 lakah Canada rammi 63 an i tel ve.

    Atang video hi Iran missile nih Ukraine vanlawng a khen lio si men lai tiah zumh asi.

    Ukraine International Airlines company nih a hmanmi vanlawng ‘Boeing 737-800’ cu Nithumni zingka ah Iran khualipi Tehran um Imam Khomeini International Airport in Ukraine khualipi Kyiv lei ah a zuang.

    A tlak caan hi, Iran nih missiles zun 22 in US ralkap an umnak Iraq sakhan 2 a kah hnu suimilaam tlawmpal ah asi.

    Iran nih Iraq um US ralkap sakhan 2 a kah hnu ah Ukraine vanlawng tlak ning

    Iran kap dingin a rung lutmi US ralkap vanlawng ah a ruah caah Iran nih a kahmi si men lai, tiah zumh asi.

    Charhchan: Wall Street Journal, The Sun Uk, Washington Post, Voice of America

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.