Minu Hmai Chung I A Bomi Cu Rungrul A Si Tiah Doctor Nih A Chim

Russia ram khualipi Moscow khua ah a ummi nu pakhat cu a hmai vun chungah a bomi a um i sibawipa sin a piah tik ah sibawipa nih thil sining a chimhmi ruangah khuaruahhar le lungrethei in a um.

Hi minu i a mit tanglei ah a bo mi a um i a cawl tawn a ti. Ninga a rauh hnu ah cu a bomi cu a mit cunglei ah a tthial, cun nihra a rauh hnu ah a hmur ah a tthial tthan caah sibawipa sin a piahnak hi a si.

Sibawipa nih cun a hlai piak tik ah rungrul phunkhat a simi a sau ngaimi cu a lak piak. Hi bantuk rungrul pawl hi minung cuar chungah an um i a saubik in lehmah 6 tiang an sau kho tiah doctor Vladimir Kartashev nih New England Journal of Medicine sinah ca a kuat.

Minu cu kum 32 a si i a min langhter a si lo. Sibawipa nih a chim rih mi cu hibantuk rungrul hi fikfa sehnak in a chuak mi a si tiah a chim.

A tu cu minu vun chung i a ummi rungrul cu kan chuah khawh cang i a mah zong a dam cang tiah doctor Kartashev nih cun a chim.

Hibantuk thil cangmi hi Europe ram, Africa ram le Asia ram hna ahhin an si tiah a chim fawn.

Chirhchan: NBCNews

Be the first to comment

Leave a Reply

Your email address will not be published.


*