A luancia April 17 ah Yangon International Airport ah tlaih a tongmi minta Zenn Kyi le chungkhar cu ralkap nih an inn ah an hren rih hna.
Zenn Kyi te chungkhar cu kherhlai chap awk a um rih caah atu bantuk in an hren hna hi a si tiah MRTV nih a thanh.
Minta Zeen Kyi, a nupi film director Christina Kyi, an fapa te le an sinum nu hmanthlak cu MRTV nih a cuanter i a herh ningin kherhlai chap dingin Yangon i South Okkalapa Township ah a ummi an inn ah an hren rih hna tiah a chim.
Nain, US citizen simi Zenn Kyi te chungkhar cu zeiruang ahdah kherhlainak an tuah hna ti cu a langhter lo.
Zenn Kyi te chungkhar cu April 17 (zinglei sml 7:00am) ah Thailand ram, Bangkok ah zuang dingin immigration counter ah timhtuahnak an ngeih lio ah mipi sawhsawh bantuk in thil aa hrukmi mibu nih an tlaih hna.
Zenn Kyi te chungkhar cu ralkap nih tlaih dingin cazin a chuahmi lakah aa telmi an si lo.
