6.4 C
Hakha
Monday, December 9, 2019
More

    Minta Nay Dway nih Chin state a tlawnnak kong a chimmi

    Minta Nay Dway: Naite ahkhan Chin state ah ka tlawng i ka voi 1nk Chin state ka phak a si. Documentary bantuk in video kan i thla. Cun, drama series thlaknak caah hmun kan va zoh.

    Chin state cu aa dawh tuk. Kanpetlet khua ah kan i tthum. Netmataung zong ah kan kai. Aa dawhtuk, a dai tuk i a kik tuk fawn. Kanmah kha kan vanttha tuk. Kan kalni nikhat te kha nikhua a ttha i khua fiangtein kan cuanh khawh.

    Ni dang cu ruah a sur i tlang cung hoi hna cu a kih tuk caah ti tiang a khal an ti. Mah tikah a sinpi tuk lo.

    Chin state tlawn an ka sawm lio ahhin Chin state cu lam a chia tuk lai tiin ka ruah caah ka duh lo. Nain, a zulh taktak hna ahcun a ruah ning bantuk a rak si lo. Lam a rak ttha tuk. Bagan in vanlawng in kan rak ra. Cun, Kanpetlet ah kan lan i lam a ttha tuk.

    Chin state ka tlawn lio ah sabuti ka duh bik. Cun, kei hi cawsa ka eilo ka ti hna i siasa an ka timi ka ei. Buddhist ka si ruangah cawsa cu ka ei lo, siasa an ti ruang khan cawsa si lo cun ka ti cu ka hei ei ko.

    Nawlnak: Kan website chung ca le hmanthlak hi website dangah copy piak lo dingin kan in nawl hna.
    Hniang Zi
    Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.

    Caṭialtu ṭialmi dang

    Ṭial Tharmi

    - Advertisement -