October 18, 2021

Min Aung Hlaing nih thongtla 1,300 thlah in ASEAN le ramdang a helh hna

Update thar: A thlahmi tampi cu a tlaih than hna. Thlahmi pawl nan inn ah um hlah ulaw tha.

Uknak firtu Min Aung Hlaing acozah cu innpa ram 10 ASEAN le nitlaklei ram pawl nih an mak caah ṭawhcia par bang amah te lawngin uai ding a ṭih tuk i tuni ah a helh hna.

“Duhlonak langhter ruangah taza kan cuaimi hna lakah minung 4,320 cu kan ngaihthiam hna lai. Cun, thong kan thlakmi hna lakah minung 1,316 kan thlah hna lai,” tiin tuni ah thawngthanh in ASEAN le ramdang cu a helh hna.

Update

Mifir Min Aung Hlaing acozah nih “online in buainak nan chuahpi…” tiin taza a cuaimi minthang pawl lakah 24 le Facebook milar pawl lakah 10 cu a ngaihthiam cang hna.

Hmasa thawngpang

Falam pawngah kan Lai ralkap nih Kawl Ralkap motor 9 bomb an puah hrawhpiak hna

Hnu thawngpang

Salai Htet Ni: Chin ralkap nih Kawl Ralkap 30 hrawng kan thah hna, 40 leng kan hliam hna

Lian https://thechinexpress.com

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.