Min Aung Hlaing cu ASEAN meeting kai dingin Indonesia ram a phan

- Advertisement -

Indonesia ram, Jakarta khuapi ah tuah dingmi ASEAN meeting ah kai dingin Min Aung Hlaing cu atu hi Indonesia ram a phan cang.

Min Aung Hlaing cu zingka sml 11:00am (Indonesia caan) ah Jakarta khuapi um Soekarno-Hatta airport a phan.

Min Aung Hlaing a phanh lai in Indonesia rammi tampi cu Myanmar rammi kan dirpi hna tiin sandah an piah len hna.

ASEAN meeting cu tu zaanlei ah tuah ding si i Myanmar ram buainak kong an ceih lai.

ASEAN meeting cu Indonesia caan zaalei sml 1:30pm (Myanmar caan – 1:00pm) ah an tuah lai.

Min Aung Hlaing cu ASEAN meeting kai dingin Indonesia ram a phan

Cu meeting ahcun Philippines President Rodrigo Duterte le Thailand Prime Minister ti lo paoh a tangmi ram hruaitu pawl an kai dih lai. Nain, Philippines le Thailand in Ramdang Vuanci pawl an kai lai.

Atu an tuah dingmi ASEAN meeting ahhin Myanmar ram caah bawmtu bu dirh an tim.

Meeting cu suimilam 2 chung hrawng an tuah lai i Myanmar ram in Min Aung Hlaing nih minutes 5 chung bia a chim ve lai.

ASEAN meeting cu vawlei pi nih cuanh cio a si i China zong nih ASEAN meeting kong ah an ti ttha tuk tiin April 22 ah a thangthat hna.

Indonesia in Center for Strategic and International Studies (CSIS) nih Myanmar mipi caah siiai bawmh ning, COVID-19 thilri bawmhnak le a herhmi dangdang bawmh dingin biatung a chuah.

Meeting ahcun a lungtlingmi ASEAN ram pawl nih tangka an thawh lai i, an dirhmi mibawmtu bu nih a tawlrel lai.

Meeting an tuahmi a dih tikah thawngpang thar kan rak ttial chap te lai.

Azi
Azi
Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cangmi asi.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...