Miley Cyrus le a va Liam Hemsworth an i tthen

Miley Cyrus le a va Liam Hemsworth an i tthen

American hlasa minthang Miley Cyrus le a va Liam Hemsworth cu tthitumnak an tuah thla 7 hnu ah an i tthen ruangmang.

‘The Nothing Breaks Like a Heart’ hla satu Miley Cyrus nih Nirukni ah a va he an i tthennak kong cu mipi sin ah thawng a thanh. Tuni (Zarhpini) hi a va Liam Hemsworth kum 29 a tlin chuahni a si.

Miley Cyrus le Liam Hemsworth nih “kanmah le kan rian tu biatak deuhin usa pek kan duh caah kan i tthenmi a si” an ti.

Miley Cyrus le Kaitlynn Carter an i kiss lio

Ningani ahkhan Italy ram, Lake Como ah Miley Cyrus le Brody Jenner a nupi tthing Kaitlynn Carter an i kiss lio hmuh a si. Mah hnu in, i tthennak thawngpang a chuah hi a si.

“Kanmah dang in kan um chin lengmang. Satthil kan zuatmi pawl cu aa khat tein kan zohkhenh tti peng ko lai,” tiah Miley Cyrus nih a chim.

Miley Cyrus nih “keimah cu nu he pa he ih tti duhmi ka si tiah aa phuan. Kan i tthiumnak hi ka lungfiang lo ngai. A buaithlak ngai. Keimah hi nu he ih tti ka duh tuk peng rih. Pa i a nupi si dingah aa tlak lo,” tiah kan hnu thla ahkhan a chim.

Miley Cyrus le Liam Hemsworth 2018 December 23 ahkhan tthitum puai an tuah. 2010 chuak ‘The Last Song’ movie ah video an rak i thla tti i an rak i duh beh.

2012 June thla ah hamnak an rak tuah. Nain, 2013 September thla ah an rak i tthen. 2016 October thla ah Miley Cyrus nih Liam he hamnak kan tuah tiin Ellen show ah a rak chim. – The Sun

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.