Mila Hniang cu BMI company ah hla phuah rian a ttuan cang lai

Mila Hniang

Mila Hniang: Tu thla dih in cun, Broadcast Music Inc. (BMI) company tangah licensed hlatial/hlaphuah rian ka thawk cang lai. Nashville, Tennessee zong ah a thial ding ka si. Pathian nih a ka dawt tuk hringhran, amah thawng lawngte asi. Ka ttuan ding rian zong hi a mah dawtnak thawng in ka hmuh mi asi.

Keimah ka duhmi, ka huammi, le pathian nih thiamnak a ka pek mi te in sianginn kai hnu zongah a tu zong lam a ka awnh. Minung si nak lei ruahcun kei mah bantuk minak santlailo hna a tu tiang hawidang lam kal rih lo nak lei ah a ka hruai hnik ca ah ka lawmhtuk nak chim lo ka um kho lo. Bawipa cung ah lawmhnak zei tik hmanh chim dih kho ding ka si lo. A ka damter tu le nunnak a ka pe tthan tu kan biak Jesus cung ah ka lawm tuk. 

Cun, Nashville ka thial hnu hin ka ton mi thil kong, music/hla lei ka tuaknak siseh ka timhmi thil ka tuah mi te te zonghi ka fans pawl ca ah thlakhat voikhat hika Facebook ah hin LIVE VIDEO thlah ka tim hmai thla cun. Mah kha nan dih lak kan sawm hna.

Keimah he i hawikomh, i chawnh/biai ruah le pakhat le pakhat ruahnak i cheuh a tha ka ti ruang ah kan sawm hna. Mah dih cun, Nashville ka thial hnu inhin, hlasak ka kal nak ding shows pawl konghe pehtlai in, sawm rih kan duh hna.

Hika Facebook thiam thiam ah confirm ka rak tuah tthan te lai a ni le thla le caan a van fian dih in, mah zong cu pawng kam um mi dawtmi ka followers/fans pawl kan sawm duh hna. Ka show pakhat lawng zong nan rak chuah khawh cun ka lawm tuk ko lai.

Cun a huam mi ca cun ka show vialte dih lak zong rat a ngah, nan cung ah ka lawm tuk. Nan mah nan ka dawt ruang le atu tiang tha na kan pek peng ruang ah, atu hi dirhmun ka phanh khawh mi hi asi, mah zong nan cung ah ka lawm tuk a hlei in.

Tukum 2019 atang mi thla 3 chung siseh a ra ding mi 2020 zong ah hla thar pawl chuak ding an um – ka hla pawl nih an hngah ko hna. Ka lawm tuk hringhran. Pathian nih a hlei in nan dihlak tu thluachuah in pe peng ko hna seh! Kan dawt tuk hna. 

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.