Brazil: Misual paoh cu dawtnak ngeilo an lo nain an rak si thlu rua lo hita.
Mifir pakhat nih phundang ngai in dawtnak a langhter, Brazal ram Piaui khua um sii dawr ah damiah a ttaihtu pa cu tarnu tangka ai lak duh lo – a hawipa nih tangka kuang ah tangka a fir cuahmah lio ah anih cu tarnu a cal ah a hnamh.
Sii dawr ngeitu Samuel Almeida nih, “October 15 ah pa pahnih an rung lut i damiah kan in ttaih hna an ti. Ka dawr i tangka tlaitu pa cu tangka a dihlak in kan pe, an ti,” tiah Brazil media G1 sinah a chim.
Mifir pa pakhat cu, sii cawk aa rung thawhmi tarnu nih amah tangka a pek nain mifir pa nih, “aih, ka pi, nangmah cu dai tein um ko. Na tangka cu ka duh lo,” ati, tiah dawr ngeitu Almeida nih a chim.
CCTV video cu Brazil media Infosaj nih Youtube ah a tar.
Mifir pa nih cun tarnu cu a thinphang tuk sual lai tiin aliang ah ding tein a bengh, cun a cal ah a hnamh.
Meithal aa putmi mifir pahnih cu motorcycle luchin an i chinh veve. Tangka $240 (RM1,004) an lak.
Mifir cu an min an hngal rih hna lo. Dawr ngeitu Almeida nih khuachung palek sinah bawmh a hal i innpa ah an kawl cuahmah hna liopi asi.
