10.9 C
Hakha
Thursday, February 25, 2021

COVID-19

Vawleipumpi
113,215,812
A zawmi
Updated on February 25, 2021 3:08 pm
Vawleipumpi
2,511,146
A thimi
Updated on February 25, 2021 3:08 pm
Vawleipumpi
88,785,043
A dammi
Updated on February 25, 2021 3:08 pm

Messi nih Ballon d’Or a ngah lai tiah a fans pawl nih an zumh

Advertisement

Lionel Messi nih avoi 6nak Ballon d’Or a ngah lai, tiah a fans pawl nih an zumh.

Tuni ah Barcelona le Celta Vigo an chuih i Barca nih goal 4-1 in a tei. Barca hmaikal Lionel Messi nih goal 3 (hat-trick) bak a den caah a fans pawl cu khuaruahhar lawmhnak in an ri dih.

Penalty in goal 1 a ṭhuat. Free-kick in goal 2 a den.

Minung pakhat nih puai 1 ah goal 3 a goal ahcun ‘hat-trick’ tiah an auh.

Puai a dih cangka in Messi fans pawl cu social media ah “tutan Ballon d’Or cu Messi nih a ngah bak ding si. Tu kum chung vialte an chuihmi zoh tikah Ronaldo nih zei lei hmanh in a tluk lo…,” tiin tlang an au.

A fans cheukhat lebang nih cun an uar tuknak ah “Messi minung asi a timi cu lihchim an si. Messi cu minung tuah khawh lomi a tuah khotu superhuman asi…,” an ti.

Messi fans pawl nih Twitter an khuai dih deng ti awk tluk bakin an aukhuang.

“Ballon d’Or cu Messi pe ko cang uh. Ronaldo le Van Dijk pahnih fonh nak hmanh in a mak deuh. Ngah phu asi ka ti lo. Amah ta bak khi si cang,” a timi zong an um.

“Dai ko, Messi chan asi. Ronaldo min na chimmi theih hrim ka duh lo. Van Dijk kong kaa khat hmanh theih ka duh lo. Ballon d’Or cu Messi ta si cang,” a timi zong an um.

December thla ah France Football timi zarh 1 voi 1 chuak magazine nih tu kum chung vawlei cung bawlung chuih thiambik a thim lai i Ballon d’Or a pek lai.

Lionel Messi le Cristiano Ronaldo nih voi 5 veve Ballon d’Or an ngah cang. December thla ah Messi nih a ngah cun Ronaldo lonh in voi 6 a ngah lai.

Ni kum 2018 Ballon d’Or cu Luka Modric nih a ngah.

Tu kum Ballon d’Or cu ho nih dah a ngah lai ti na zumh ve? Comment…

- Advertisement -

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

Ṭial Tharmi

Ṭial Tharmi

COVID-19

Vawleipumpi
113,215,812
A zawmi
Updated on February 25, 2021 3:08 pm
Vawleipumpi
2,511,146
A thimi
Updated on February 25, 2021 3:08 pm
Vawleipumpi
88,785,043
A dammi
Updated on February 25, 2021 3:08 pm
- Advertisement -