Melbourne Chin Church nih CDM caah $100,000 (Kawlram ting thong 1) a hlut

Australia ram Melbourne khuapi um Melbourne Chin Church (MCC) nih Kawlram ralkap duhlo langhternak (CDM) caah $100,000 (Kawlram ting thong 1) a hlut.

Mah pinah, MCC member pakhat cio nih an ti khawh tawk an thawh chap rih lai, tiah kan theih.

“Kan church nih CDM cu kan si khawh chungin kan dirkamh. Ralkap uknak kan duh lo. Myanmar um kan mipi kan in dirkamh hna. Ralkap uknak kan tei lai,” tiah Melbourne Chin Church nih a thanh.

Melbourne Chin Church: Nihin a ding lomi, a dik lomi hramhhram uknak ruangah kan miphun hawi aihram thawng cu zing le zaan in kan hna kaw ah darking bang a ring lengmang.

Cu thawng kan theih tikah kan thinlung a man, kan lung a fak, kan ngaih a chia, kan thin zong a hung. Zarhpi ni thla kan cam fate kan ṭap, kan hrum ai ve.

Luatnak le zalonnak kan phun hawi nih hmu ve hna seh, tiah Pathian cu hngakchia thil hauh in kan hauh. CDM tuahmi le Lam a zawhmi hna thlacamnak in, chawva in, thinlung in kan in dirpi hna.

Pumpak in kan tho! Kan Khrihfabu ning piin kan tho! kan phun hawi nih zalawnnak, dinnak le luatnak nan hmuh hlan lo kan hngol ve lai lo. Teinak cu Bawipa ta a si. “Azi taw pung awng ziah me!!”

Melbourne Chin Church
Australia

Australia Chinmi nih Kawlram CDM caah tangka ting thong 3 hrawng an hlut cang

Atutiang kan theih khawh tawk ah Australia um Chinmi nih semnak Kawlram ralkap duhlo langhternak (CDM) caah tangka an hlutmi hi ting thong 3 hrawng asi cang.

Australia um Chin khrihfabu funtomnak Chin Christian Council in Australia (CCCA) member khrihfabu pawl nih $93,000 (ting thong 1) an kuat cang. Mah hi hmet law rel khawh asi.

CCCA Mino nih Gofundme ah CDM caah tlawmhalnak an tuah i $50,000 an i tinh. Atutiang ah $15,000 deng an hlut cang. Mah hi hmet law na ti khawh tawk hlut ve khawh asi.

Australia Chin khrihfabu pawl nih tu hnu zong CDM bawmhnak pek peng rih an timh. CCCA hruaitu Rev. Dr. Denis Shu Maung nih a chimmi atang video ah zoh khawh asi.

Melbourne khua nitlaklei sang um Chin khrihfabu 12 i funtomnak Western Melbourne Chin Christian Fellowship nih $30,200 an hlut. Hlut chap rih an timh. Mah hi hmet law rel khawh asi.

Mah pinah, Australia um Chinmi pumpak, hawikom (group), khua le khrihfabu dang nih an hlutmi tampi um rih.

Na rel cang maw? Adelaide khuapi um tungtai dawh samthlairem Azing Chungtei nih CDM caah tangka tampi a hlut, mah hi hmet law rel khawh asi.

Lian
Lianhttps://thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih. Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh. "Missile kahnak seh kan remh...