16.3 C
Hakha
Thursday, June 17, 2021
- Advertisement -

Ṭial Tharmi

Matupi khua ah thla khat chungah motorcycle 100 leng a tlau

Chin state: Matupi khua ah motorcycle firtu pawl cu khuami nih an tlaih khawh ko hna nain Matupi palek sakhan nih mifir pawl cu upadi ningin dan a tat hna lo ti a si.

Matupi khua ah thla khat chung ah motorcycle 100 leng a tlau i motorcycle firtu cu khuami nih an tlaih khawh ko hna nain kum tlinglo (kum 18 tang) ngakchia an si ruangah Matupi palek sakhan nih dan a tat hna lo tiah khuami nih an chim.

“Atu bantuk in motorcycle a za leng a tlaumi hi palek pawl santlaih lo a si ka ti. Motorcycle tlau kong cu palek sin thawng kan thanh zong ah zeihmanh ah an rel ti lo.”

“Palek sakhan bawi le penguk bawi nih an minung tha tein an cawnpiak hna lo ruangah a si. Mifir kan tlaih khawh hna zong ah kum tling an si , dantat awk an ttha lo an kan ti,” tiah Matupi sipin rianttuan U Hep Hop nih a chim.

Matupi khua motorcycle tlau mi kongah Matupi palek sakhan nih fakpi in dantatnak a tuah lo ruangah Chin state cozah sinah fakpi in dantat piak dingin hal an timh.

“State cozah nih hi kong ahhin aa thlak a hau ve cang. Palek pawl hi minak (Kala) an si i, a tam deuh cu thlangleimi an si tikah mifir he aa bawmmi an lo. Dantat dingin palek sakhan bawi kan va chimh zong ah a ngah lo a kan ti.”

“Atu hi motorcycle 100 leng a tlau cang. Zeitindah kan tuah lai ti awk kan thei lo.”

“Motorcycle a firtu kan tlaih hna tikah tazacuai tu si dingin ready kan si peng ko. State cozah nih hi kong hi fak piin kan tawlrelpiak seh ti kan duh,” tiah khuami pakhat nih a chim. – Chin World Media

- Advertisement -

Ṭial Tharmi

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...
- Advertisement -

Kawl Ralkap nih pumtlamtlinglo Chinmi 2 meithal in an kah hna i an hrem hna

Uknak firtu Kawl Ralkap nih June 10 ah Chin state, Mindat peng Phaya Sakhan khuate an luhhnawh i pumtlamtlinglo mi nu le pa meithal...

CDF le Kawl Ralkap i kah ruangah a zaammi Chin ralzaam tampi Mizoram ramri ah an i tap

Nai hrawng cu Chin state ah Chinland Defense Force (CDF) le uknak firtu Kawl Ralkap i kahdohnak a fah caah Chinmi a zaza nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -