Matupi Fimcawnnak Zung rianṭuan 28 nih “CDM a dihdongh tiang kan i tel lai” tiin thawngthanh

- Advertisement -

Matupi Peng Fimcawnnak Zung rianṭuan 28 nih, “ralkap duhlo langhternak (CDM) ah a dihdongh tiang kan i tel lai,” tiin thawng an thanh.

“Chin state, Matupi Peng Fimcawnnak Zung rianṭuanmi hna hi ram cozah rianṭuan upadi, phungphai le kan cunglei upa hna nawl ngai in felfai tein rian a ṭuan pengmi kan si.

“Myanmar mipi dihlak harnak an ton lio le an lungfah lio caan ah ram le mipi dawtnak in mipi sinah ṭan kan duh caah Civil Disobedience Movement (CDM) ah kan i tel ve lai.

“CDM ah kan i telmi hi party ramkhelnak ah kan luhmi asi lo i kan rian kan i phuahmi zong asi lo. Kan cunglei upa hna upat lo zong asi lo.

“Rammi mipi nih an duhmi dirhmun kan phak tikah kan rian cio ah kan kir ṭhan te lai,” an ti.

Cozah rianṭuan tampi cu “lahkhah kan thoh kho lai lo, rian a kan phuah” ti an phan caah CDM ah an i tel duh lo. Mah lio ah hi bantukin a lahkhah kaltiak tiang le rian phuah ṭih bu tein ralkap duhlonak a langhtertu cozah rianṭuan cu upat awktlak taktak an si.

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...