Tu zingka ah Mandalay, Mya Yi Nanda sang hnawmpung ah mawṭaw 2 nih mi ruak 1 an hung hlonh, tiah Myanmar Now media nih tunai ah a thanh.

Mi ruak cu velhnak hmape tampi a um. Mi ruak cu aho si an hngal kho rih lo.

Zohnak ahcun kum 40 hrawng minung a lo, pa asi.

Meithal in an kahmi si lai tiah an zumh. A thluak pawt, a keng le hmai a vual dih. A pum cu mei in an khangh, tiah a ruak chartu mi bawmtu phu nih a chim.

Mi ruak cu mawtaw raang pakhat le ralkap mawtaw pakhat nih an hung hlonh. Mawtaw raang zong ahcun ralkap le palek pawl kan hmuh hna, tiah pawngkam mi nih an chim.