Manchester United Club Cu An Angki Thar Chuahmi Ruangah A Mualpho

Vawlei cung football club ah thapetu (fans) tambik ngeimi pathumnak a simi Manchester United nih 2018/2019 season ca i an angki thar an chuahmi ruangah an club a mualpho diam. Vawlei cung football club i thapetu (fans) tambik a ngeitu cu Barcelona a si i 159.9million fans a ngei. A changtu ah Real Madrid a si i 159.5million fans a ngei ve. A van changtu ah Manchester United hi a si i 97.9million fans a ngei ve.

Manchester United hi vawlei cung football club lakah a rumbikmi a si i cheukhat a lente celhtu (player) cu zarhkhat thlahlawh ah £450,000 tiang a pek hna. An angki thar chuahmi hi Indonesia ah an chuahter i cu angki chuahnak sehzung i rianttuantu pawl hi suimilam pakhat ah 64Rupiah(Indonesia tangka) a pek hna.

Cu lawng si loin suimilam pakhat chungah rianttuantu hna nih hin a tlawmbik in angki zun 60 (a caan ahcun zun 100) tiang nan chuah lai tiah hramhram in an ttuanter rih hna. Cu an chuahmi angki cu England ram ahcun zunkhat ah £110 tiangin an zuar. Cu lio ahcun rianttuantu pawl i an zarhkhat thlahlawh hi £31 lawng a si.

Cu angki pakhat ah £110 in an zuarmi kong he pehtlaiin Indonesia i rianttuantu hna nih an lungtlin lonak an langhter ve. Fih a nungtukmi club thiltuah ning a si. Kan thazaang le kan thlanhriput in kan ttuanmi cu i miaknak ah an i hman tiah an langhter hi a si.

Rianttuantu pawl hi dollar in an pek hna i thlakhat an thlahlawh ah $250 (£192) a si. Cucu rianttuantu minung pakhat nih thlakhat ah a hmuh lai tiin rikhiahmi (minimum wage) nak tlawm deuh a si caah hiti i an thinhunnak an langhter hi a si tiah dailymail nih a langhter.

Chirhchan: DailyMail

Be the first to comment

Leave a Reply

Your email address will not be published.


*