23.7 C
Hakha
Thursday, June 24, 2021
- Advertisement -

Ṭial Tharmi

Malaysia: Voi Dang Bantukin ‘Tlanglawng’ Khat Tein i Cit Khawh Si Cang

Zapi tlunkalnak a simi tlanglawng, bus le tilawng pawl ah minung khat lakin i cit khawh si cang, tiah Malaysia Runvennak Vuanci nih tuni ah a thanh.

Voi dang tawn bantukin LRT le MRT telh in tlanglawng vialte, bus le tilawng pawl ah ṭhutden minung an khah hnu zongah dir bu in i cit khawh asi cang, ati.

Sinain, nan i cit chung paoh cu mask nan i hruk peng lai. Cun, cozah mobile app MySejahtera nan download dih lai. Tlanglawng station ah kut thianhnak (hand sanitiser) nan chiahpiak hna lai.

MySehatera app cu na phone number le na umnak hmun (GPS) theih khawhnak app asi. Nangmah he tlanglawng/bus aa cit ṭimi pakhatkhat Covid-19 zawtnak an ngeih sual ahcun cozah nih fawi tein kawl khawh kan in duh caah asi.

Vanlawng, taxi le Grab zong ṭhutden khat tein i cit khawh si cang. Caan rikhiah um loin voi dang tawn bang chun nitlak zaan khuadei a ngah cang.

Vanlawng aa citmi pawl cu vanlawng rianṭuan nih an taklinh nan tah hna lai. Aa citmi vialte musk nan i hruk peng lai.

State dang a kalmi express bus pawl zong hlan lio bantukin minung khat ṭhipṭhep tein i cit khawh asi cang. Kal caan ri khiah zong a um ti lo, zaan zongah nan kal kho cang.

- Advertisement -

Ṭial Tharmi

Malaysia boss pawl nih ‘lockdown donghter cang’ tiin cozah an hal

Kuala Lumpur: Malaysia Rianngeitu Phu (Malaysian Employers Federation - MEF) nih, "Full lockdown (FMCO) hi a rannak in donghter cang," tiin nizaan ah cozah...

Falam ah COVID-19 in minung 1 a thi chap

Zahan zaan suimilam 8 hrawngah Matubuk sang um Salai Lal Tha Eng, kum 25 cu COVID-19 zawtnak in an inn ah a nunnak liam....

COVID-19 ruangah kharmi Paletwa sianginn an on ṭhan cang hna

Chin state, Paletwa peng sianginn pawl cu COVID-19 zawtnak an hmuh caah an khar hna nain tuni June 23 ah an on ṭhan cang...
- Advertisement -

Malaysia rammi nih ‘refugee hi hmun dangah umter hna uh’ tiin cozah an hal

Malaysia Ramchung Vuanci Pu Hamzah Zainudin nih, "UNHCR card aa tlaihmi pawl hi hmun dangte ah anmah lawngin umter hna uh tiin kan rammi...

CRC Malaysia: Covid Raikham Sii Chunhnak Minpeknak Theihternak

Malaysia um Chin miphun hawikom dawt hna Covid raikham sii chunhnak kong he pehtlai in theither kan in duhmi hna cu nan mah le...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -