15.1 C
Hakha
Monday, June 21, 2021
- Advertisement -

Ṭial Tharmi

Malaysia: UNHCR zung ah mithar 2,000 hrawng an phan

UNHCR Malaysia nih mithar a lak hna timi bia chokvai ruangah tu zingka 8am ah UNHCR zung hmai ah minung 2,000 hrawng an rung phan.

An tam tuknak ahhin UNHCR zung hmai zong an i tlum lo. Zung hmai le pawngkam lam vialte an khat dih.

UNHCR Malaysia lutlai Mr. Thomas nih, “mithar kan la lo. UNHCR nih tuni ah ton dingin appointment kan in pekmi hna lawng taang uh, a dang paoh cu ṭin dih uh,” tiah kutka hram in thawng a thanh hna.

Sinain an ṭin duh colh lo. UNHCR nih a rannak in cathanh (statement) a chuah i Malaysia ram chung ralzaam community vialte a kuat colh hna.

Cathanh chung ahcun “tuni appointment a ngei lomi paoh hohmanh kan in tong hna lai lo. Appointment na ngeih lo ahcun, zaangfah tein inn ah ṭin. Appointment cu December 2 thok in mah website https://www.refugee-malaysia.org/contact/ ah online in sok khawh asi,” tiah a ṭial.

UNHCR security pawl nih an ṭhawl lengmang hna i 10am hrawng ahcun tam ngai an ṭhawl khawh hna, minung 500 hrawng lawng an taang.

Buainak a chuak sual lai tiin UNHCR nih palek a chawnh hna i mawṭaw 2 le saikal 4 in palek tam taktak an rung phan. UNHCR security le palek nih an ṭhawl hna i zaanlei 4pm ahcun hohmanh an um ti lo.

Nain, palek pawl cu zaanlei 4:pm i holhlet pawl an ṭin lio tiang zongah tam taktak an um rih.

Zahan ah UNHCR nih Kachin ralzaam 70 hrawng appointment a pek hna. Mah cu Kachin pawl nih Facebook ah an ṭial ciammaam i UNHCR nih mithar a lak tiin bia chokvai an theih cio caah an rat hi si.

Kachin ralzaam 70 hrawng cu UN card le catlap pek si loin appointment catlap bite a pekmi hna lawng asi. Hlan lio tein Kachin ralzaam community hruaitu pawl nih UNHCR ah min an ap piak cangmi hna an si.

Nain, tuni a kalmi 2,000 hrawng cu aho hmanh appoint catlap zong an pe hna lo. Taklawng in an ṭhawl dih hna.

Theihternak: Hika ah ‘mithar’ kan timi hi Malaysia a phan tharmi tinak asi lo. UNHCR card le catlap a ngei rih lomi poah kha ‘mithar’ kan ti hna.

- Advertisement -

Ṭial Tharmi

Malaysia um refugee pawl cu ‘CanSino’ raikhamsi chunh an si lai

Malaysia um refugee pawl zong raikhamsi chunh an si ve ko lai. CanSino raikhamsi chunh an si lai, tiah Malaysia cozah nih a thanh. Malaysia...

Chin refugee an i telnak Malaysia movie nih Shanghai ah ‘movie ṭhabik laksawng’ a ngah

'Barbarian Invasion' timi Malaysia um Chin refugee 2 an i telnak movie nih China ram Shanghai ah movie ṭhabik laksawng Jury Grand Prix a...

Russia ah Min Aung Hlaing a phan

Myanmar uknak firtu ralkap bawizik Min Aung Hlaing cu humhimnak meeting kai dingin nizaan ah Russia khualipi Moscow a phan. February 1 ah uknak...
- Advertisement -

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -