Malaysia: UNHCR ruangah thongtla mi Laipa cu tuni ah CRC nih a chuah

- Advertisement -

Malaysia khualipi Kuala Lumpur i Loke Yew sangah ummi kum 27 Lai tlangval pa cu tuksapur in ni 12 chung palik sakhan thong ah an thlak hnu tuni ah a chuak.

Lai tlangval pa cu Loke Yew sang inn lak a len lio February 4 ah palik nih an tlaih i Dawangi Palik Sakhon thong ah an thlak.

Anih hi 2013 ah UNHCR card a ngahmi si nain UNHCR nih 2018 ah ‘Laitlang a ṭha tuk cang, buainak le ral zong um lo, va tlung cang…’ tiin card a chuhmi si.

February 4 ah palik nih an tlaih i UNHCR card a ngeih ti lo caah ‘Phungninglo in Malaysia um case’ in Dawangi Palik Sakhan ah an kalpi i thong an thlak.

UNHCR ruangah tlaih le thongthlak a tongmi kan naupa tuni ah Kuala Lumpur Biaceihzung ah an chuahpi lio

A upa Chan Kam nih Chin Refugee Committee (CRC) sinah bawmh a hal i CRC in thongtla lei ṭuanvo latu Saya Pa Kulh nih Dawangi Palik Sakhan ah officer a va ton i zaangfah dingin a va nawl colh.

Sakhan phakpi cangmi le tazacuaitu cozah sihni (PP) sinah case ap cangmi asi caah biaceihzung ah tazacuai hmasa loin thlah khawh asi ti lo.

Cucaah Saya Pa Kulh (CRC) nih sihni a hlan i Malaysia upadi bantukin ni 13nk tuni ah kan naupa cu cikcen he biaceihzung ah an chuahpi. Sihni nih bia a chimpiak hnu ah biaceihtu nih RM1,000 dan a tat i luatnak a pek. Atu cu inn ah hnangam tein a um cang.

Sinain, sihni hlannak le a tlaitu palik officer lennak he cun RM5,000 bak an dih.

UNHCR nih card rak chut hlah sehlaw mah vialte lungrethei le tangka dih hi a tong hnga lo.

Thil sining cu a upa Chan Kam nih atanglei bangin a chim.

Chan Kam

“Lungretheih Thinphannak in kan hlawh a tling”

Nihin chun cu zing khuan in kompleks Mahkamah Kuala lumpur (Court) Biaceihzung ah ka kal. (A ruang cu kan nau pa an tlaihmi/thongtla Case2 in tazacuai ding a si).  

Kan nih hi level2 (Court2) khan ah a lut ding kan si. Luh a ngah maw? Lut bia ngaih khawh a si an van ka ti. Hngap ka lut le an phung ning ten upatnak cu ka van pek ta hna. (Ka lu ka van Khun).  Cozah biaceih (Tazatuci) hi rumra an rak nei.

 Ka thut bak in Kawl ram mi minung 5 kutkhih he an van hruai hna le biaceih Bawi hmai ah an van thutter hna. An Case /Ahmuh hi an i dang cio. Game, Zudin, vuak, Sii, kosong (phungning lo) Case hi i Dan cio a si. (Mah hi ramdang mi kan si caah a kan tlai tu police nih an duhpoh in case hi an tuah piak hna. )

Biaceih tu nih pakhat hnu pakhat an Case cu van on piak hna le “Nang thong kum cu zah, nang thla 6 thong tiah an Case he ai tlak ning in  bia a van chah thluahmah ko hna.

Maw…. Ka nu….. Biachah a hei awl ning le a tuartu caah ni caan a sauh ning le a tuar har lai ning ka ti.

Kan naupa caan a van phan. Na Case/ hmuh hi kum6 thong le phaisa….? Chiah khawh na si a van ti

Bawipa thawng in kan Shine pa le Biaceih Bawi karlak ah kha vial te kha an thian ter dih.

Daan( sualman) Liam ter le Bawipa dawtnak thawng le a hlei ce in hawikom dawtu CRC thawng in kan Unau in hnangam ten inn ah kan lawi kho.

Photo: Mahkamah KL ( Court)

16/2/2022

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...

Ukraine cu Poland nih ral tuknak vanlawng 28 bak FREE in a pek

Update: US nih a duh lo caah an leet. Poland nih dairek in Ukraine kuat a ngamh lo...

US: Ukraine nih a tei lai

US Ramdang Vuanci Pu Blinken (hmanthlak) nih, "Ukraine nih teinak a hmuh lai," tiah a chim."Russia nih Ukraine...

US le NATO nih Ukraine sinah ral tuknak vanlawng kuat an timh

US le NATO nih Ukraine sinah ral tuknak vanlawng kuat dingin khua an khan liopi asi.US Ramdang Vuanci...