10.3 C
Hakha
Wednesday, November 25, 2020

COVID-19

Vawleipumpi
60,315,174
A zawmi
Updated on November 25, 2020 3:35 pm
Vawleipumpi
1,418,784
A thimi
Updated on November 25, 2020 3:35 pm
Vawleipumpi
41,239,299
A dammi
Updated on November 25, 2020 3:35 pm

Malaysia: UNHCR nih policy a thlen cang nain Chin refugee vansang in kan um peng rih

Advertisement

Kuala Lumpur — UNHCR nih ‘Chin miphun caah ralzaam zohkhenhnak pehzulh dingin’ policy a thlennak thla 10 dengmang asi cang nain, Chinmi thong tampi cu UNHCR card le catlap ngei loin Malaysia ah kan um peng rih.

Malaysia ram ah Chinmi 30,000 in 50,000 karlak kan um rih.

“UNHCR nih refugee pawl cu card tat-ṭan a ṭu piak ko hna nain, refugee a sok liomi (asylum seekers) pawl cu hohmanh card tat-ṭan a ṭu piak hna lo,” tiah ACR acting chairman James Bawi Thang Bik nih a chim.

Malaysia um Chinmi cu UNHCR nih phun 3 in a kan ṭhen ti khawh asi;

  • Refugee = Refugee Status Determination (RSD silole Ralzaam Dirhmun Biakhiahnak) interview a awng cangmi (2011 hlan ah UNHCR card a ngahmi deuh an si),
  • Asylum Seeker = Refugee a sok nain RSD interview a awng rih lomi. 2013 ah UNHCR nih ‘asylum seeker’ card a rak pekmi pawl, le
  • UNHCR sinah refugee a sok bal rih lomi. UNHCR nih zeihmanh a pek bal rih lomi, tiin kan um.

Refugee ah cohlan cangmi pawl cu UNHCR nih 2019 March 14 ah Chin ralzaam zohkhenhnak pehzulh dingin policy a thlen hnu in card tat-ṭan a ṭu piak dih hna.

Nain, 2013 ah ‘asylum seeker’ card rak pekmi pawl cu 2018 ah card tat-ṭan ṭu dingin UNHCR zung an kal lio ah card pek ti loin catlap a rak pek hna. Mah hnu ah Ralzaam Dirhmun Biakhiahnak (RSD) interview a phit ter hna i ‘Kawlram a ṭha cang i na tlung kho cang’ tiah hramhram in a sunghter thluahmah hna i catlap zong cu a chuh ṭhan hna i taklawng in a ṭinter hna.

“Khatin UNHCR nih Chinmi (asylum seeker) 16,000 leng card/catlap a rak chuh hna,” tiah James nih a chim.

UNHCR nih 2019 March 14 ah policy a thlen hnu cun catlap aa tlaihmi pawl cu RSD interview a phit ter ti hna lo i catlap a chut ti hna lo nain, 2018 ah a rak chuh cangmi vialte kha atutiang a pe ṭhan ti hna lo.

James nih, “mah lio ah UNHCR nih card/catlap a rak chuhmi pawl kha an case a zohpiak ṭhan hna awk asi,” tiah Malaysia media The Star sinah a chim.

Malaysia um Chin ralzaam bu hruaitu hna le UNHCR cu thla 1 voi 1 peng meeting an ngei i ‘rak chuhmi pawl kha pe ṭhan hna’ tiah an hal peng.

Sinain, atutiang a pe duh ti hna lo. “An kong kan ruah lio asi” ati peng.

Ralzaam a sok bal rih lomi (mithar) pawl caah UNHCR nih December thla ah online in ralzaam thar soknak a tuahpiak hna. Chinmi thong tampi nih an sok. Thla 1 asi cang nain atutiang ah Chinmi pakhat hmanh card a pe rih hna lo.

Rak chuh cangmi hmanh a pek ṭhan ti hna lomi cu, mithar chinchin cu a pe naisai hna lai lo, tiah Malaysia um Chinmi tampi nih an i ceih len.

UNHCR nih cun Chinmi hna cu Myanmar ram ah kir hna seh ti hi a duh peng rihmi a lo.

Tuni ah UNHCR nih “Myanmar ralzaam le asylum seeker pawl caah an ram kirnak kan tuahmi cu a um lo nain, Chinmi cheukhat cu anmah tein an kir len cang ti thawngpang kan theih,” tiin The Star media sinah ca a kuat.

Email Kan Kua

Na email kan kua law, ni fatin thawngpang thar kan in kuat lai

Email Kan Kua

Na email kan kua law, ni fatin thawngpang thar kan in kuat lai

Ṭial Tharmi

Malaysia Covid-19 mizaw thar 970 le a dammi 2,348

Ngandamnak Vuanci Zung nih liamcia suimilam 24 chungah Covid-19 mizaw thar 970 le a thimi 4 an si tiah a thanh. Ngandamnak Vuanci Zung director-general...

VIDEO: Malaysia Cozah nih EMCO Chung um Kawlrammi 59 a Tlaih Hna

Malaysia cozah nih lockdown (EMCO) a tuahnak Hentian Kajang sang ah phungninglo ramdangmi 141 a tlaih hna, kawlrammi 59 an i tel. Hentian Kajang sang...

Ralrinpeknak: Pi Ni Zii hi Hakha ah Thil Zuar Pah in Mi Inn ah Thil Laak a Hman caah i Ralring Cio Uh

Ralrinpeknak le theihternak Pi Ni Zii@Saa Doi hi Hakha khuapi ah i chawh in Laithil le thil dangdang tibantuk a zuar tawn mi a si....

BTS cu Grammy nomination ah an i tel kho ve

K-pop group BTS cu an hla poh ngaimi "Dynamite" in Grammy Award ca nomination ah an i tel kho ve. Avoi 1nak bik Grammy...

Ṭial Tharmi

Malaysia Covid-19 mizaw thar 970 le a dammi 2,348

Ngandamnak Vuanci Zung nih liamcia suimilam 24 chungah Covid-19 mizaw thar 970 le a thimi 4 an si tiah a thanh. Ngandamnak Vuanci Zung director-general...

VIDEO: Malaysia Cozah nih EMCO Chung um Kawlrammi 59 a Tlaih Hna

Malaysia cozah nih lockdown (EMCO) a tuahnak Hentian Kajang sang ah phungninglo ramdangmi 141 a tlaih hna, kawlrammi 59 an i tel. Hentian Kajang sang...

Ralrinpeknak: Pi Ni Zii hi Hakha ah Thil Zuar Pah in Mi Inn ah Thil Laak a Hman caah i Ralring Cio Uh

Ralrinpeknak le theihternak Pi Ni Zii@Saa Doi hi Hakha khuapi ah i chawh in Laithil le thil dangdang tibantuk a zuar tawn mi a si....

BTS cu Grammy nomination ah an i tel kho ve

K-pop group BTS cu an hla poh ngaimi "Dynamite" in Grammy Award ca nomination ah an i tel kho ve. Avoi 1nak bik Grammy...

COVID-19

Vawleipumpi
60,315,174
A zawmi
Updated on November 25, 2020 3:35 pm
Vawleipumpi
1,418,784
A thimi
Updated on November 25, 2020 3:35 pm
Vawleipumpi
41,239,299
A dammi
Updated on November 25, 2020 3:35 pm
- Advertisement -