25 C
Hakha
Sunday, March 7, 2021

Malaysia COVID-19

Malaysia
311,777
A zawmi
Updated on March 7, 2021 8:12 am
Malaysia
1,166
A thimi
Updated on March 7, 2021 8:12 am
Malaysia
289,452
A dammi
Updated on March 7, 2021 8:12 am

Malaysia: UN card in hlawhhlang a tuanmi Kawlram nu an tlaih hna

Advertisement

Hlawhhlang an ṭuan tiin zumhmi Kuala Lumpur um malitnak dawr 2 cu Lahwahkah nih January 15 zaanlei 2:30pm ah kan luhhnawh i UNHCR card aa tlaihmi telh in ramdangmi 36 kan tlaih hna, tiah Malaysia Lahwahkah nih thawng a thanh.

“A pakhatnak kan luhhnawhmi cu khualtlawng pawl nih an fuh duh ngaimi Bukit Bintang um malitnak dawr asi. Kan luhhnawh lio ah malit rianṭuan pawl cu hnulei kutka in zaam an tim nain kan kham cia caah pakhat hmanh luat loin kan tlaih dih hna.

“Rianṭuan tam deuh cu UNHCR card lawng an rak ngei.

“UNHCR card hoi hna thil ṭha lo le upadi nih a onh lomi thil tuahnak caah an hman hi cu phungbuar fak taktak asi caah an card cancel piak hna uh tiin UNHCR kan chimh lai.

“Kan tlaihmi hna cu Myanmar rammi nu 10 le pa 4 [Kachin, Shan le Kawl an si tiah The Chin Express nih kan theih], le Philippines pa pakhat an si.

“An customer sinah an pum an i zuarmi in an hmuhmi asi tiah zumhmi tangka RM770 zong kan tlaih chih.

“Pahnihnak kan luhhnawhmi cu Cheras um 3-star hotel ah ‘malitnak le spa dawr’ timi min in aa thup in hlawhhlang a ṭuanmi dawr asi. A hmun kal a duhmi nih phone app in hlawhhlang nu cu an booking hmasa hna.

“Minute 45 caah RM195 in RM220 kar an lak hna.

“Kan luhhnawh lio ah nu pawl nih innka a kan onh duh lo i a chunglei in an hrenh caah Lahwahkah nih kan baoh.

“Nu 21 kan tlaih hna. Vietnam nu 10, Indonesia nu 5, Thailand nu 4 le Laos nu 2 an si.

“Kan tlaihmi vialte cu Bukit Jalil Lahwahkah Thong/Camp ah kan chiah hna lai i hnu ah tazacuai an si te lai,” tiah Lahwahkah nih a thanh.

Charhchan: Malaysia Lahwahkah statement, Malay Mail le TV3

- Advertisement -

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

Ṭial Tharmi

Ṭial Tharmi

COVID-19

Vawleipumpi
117,098,768
A zawmi
Updated on March 7, 2021 8:12 am
Vawleipumpi
2,600,321
A thimi
Updated on March 7, 2021 8:12 am
Vawleipumpi
92,645,539
A dammi
Updated on March 7, 2021 8:12 am
- Advertisement -