15.3 C
Hakha
Thursday, September 23, 2021
- Advertisement -

Ṭial Tharmi

Malaysia ummi Pu Lian Bawi nih CDF-Lautu caah ting 80 a pek

Malaysia ah ummi Pu Lian Bawi nih Chinland Defense Force – Lautu (CDF-Lautu) caah Kawlram tangka ting 80 a hlut.

Tangka ting 80 cu CDF-Lautu Supporting Committee, Malaysia sinah a pek cang.

A hlut kho lomi zong nih CDF ṭanpinak le thazaang peknak caah SHARE cio usih.

The Chin Express nih CDF-Lautu Supporting Committee chairman Van Bawi Thawng kan chawnh i, “Aw si. Pu Lian Bawi nih CDF-Lautu caah tangka ting 80 a hlut timi cu a dikmi si ko,” tiah a chim.

Pu Lian Bawi

“Pu Lian Bawi hi mino kum 29 hrawng asi. Nupi le fapa 1 he Malaysia ah khua a sa. Supermarket company NSK ah amah pumpak in office a ngei vemi si. Ram le miphun a daw tukmi si,” tiah a chim.

Thang Tin Lian, CDF-Lautu Supporting Committee secretary nih, “Miphun caah chawva ui lo tein a kan hlutu Pu Lian Bawi le a chungkhar nan cungah lunglawmhnak chim cawk lo kan ngei. Nan kawlhawlnak ah Pathian nih thlua in chuah hna sehlaw miphun caah bochan tlak pasalṭha kan si piak peng ko,” tiah lunglawmhnak a chim ve.

Lunglawmhnak Roca zong an pek.

Roca an pekmi

“Nangmah Pu Lian Bawi cu miphun le ram a dawtu paralṭha pakhat na si bantukin Chinland Defense Force-Lautu (CDF-Lautu) rianṭuannnak caah tiin Bawipa nih thluachuahnak an pekmi na ngeihchiah na chawva ui lo tein (8,000,000 kyats) na kan hlut caah CDF-Lautu Supporting Committee, Malaysia nih lunglawmhnak roca hi kan in pek,” tiin roca ah an ṭial.

CDF-Lautu

Malaysia cozah nih COVID-19 pulrai ruangah lockdown a tuahnak thla 3nak si cang i Chinmi rian kan ṭuan khawh hna lo caah kan harsat tuk lio asi. Malaysia rammi Tuluk pawl nih facang, alu, chiti, arti, tbk rawl a kan bawmh.

Mah tluk dirhmun kan si buin Lautu kan unau cu miphun le ram caah tei an rial taktak. An ti khawh tawk cio in ting 1, ting 5 ti bantukin an hlut cio i atu hi ting 30 hrawng an hlut cang. Pu Lian Bawi nih a hlutmi he cun ting 110 hrawng asi cang. Pengtlang kip nih i zohchun awktlak an si. Miphun le ram an dawtnak hi Chin tuanbia ah philh khawh asi lai lo.

- Advertisement -

- Advertisement -

Rel Bikmi

Subscribe to The Chin Express Youtube

The Chin Express nih interview kan tuahmi hna le video thar kan tarmi pawl zoh lengmang na duh ahcun kan Youtube channel ah Subscribe tuah ve.

- Advertisement -