14.7 C
Hakha
Wednesday, October 20, 2021
- Advertisement -

Ṭial Tharmi

Malaysia um Chinmi nih i ralrin bak ding

Malaysia cozah nih Covid-19 zawtnak karh hlah seh tiin Covid-19 zulhphung a ser i zulhphung a buarmi paoh RM10,000 dan a tat hna.

Dantatmi lakah naihrawng a tambikmi cu mask aa hruk lomi, khat le khat neih tuk in a ummi le dawr, rawldawr kal tikah min, phone number tial lo le taklinh aa tah lomi pawl an si.

Cucaah, dawr, rawldawr, samehnak le khoika hmun na kal tik paoh ah na min, phone number ttial le na taklinh naa tah ta hrimhrim lai.

Supermarket, shopping mall, sizung le hmun dang pawl ahcun innka hram ah security nih an cawngh dih caah duh/lo zong ah tuah dih a si.

Juliana Edwin scanning the MySejahtera QR code at the Air Selangor headquarters.Ong Soon Hin/ The Star

Malaysia cozah nih Covid-19 zawtnak zulhdawi nak caah MySejahtera timi app a ser i million tampi nih an download.

MySejahtera app a hmangmi nih cun khoika hmun kal paoh ah phone number le min ttial a hau lo. App kha on in scan tuah le taklinh tah lawng a si.

March 12 tiang ahkhan hi zulhphung zulh lo ruangah dantatmi minung 330 an si. Minung pakhat ah RM10,000 cio dantat an si.

Cheukhat hmun ahcun SOP team nih dawr le rawldawr ah lut in mi an check hna.

Cucaah, daithlan awk a tha lo. Aho hmanh nih an ka hmu lai lo, a rau ding ka si lo ti hin lo tein tuah khawh i zuam hna usih. RM10,000 cu a tamtukmi a si caah a fawi tukmi min, phone number tial le taklinh tah cu tuah ko hna usih.

- Advertisement -

- Advertisement -

Rel Bikmi

Subscribe to The Chin Express Youtube

The Chin Express nih interview kan tuahmi hna le video thar kan tarmi pawl zoh lengmang na duh ahcun kan Youtube channel ah Subscribe tuah ve.

- Advertisement -