Pudu ah a ummi Qualitas siikhan ah Ralzaam le Asylum Seeker hna caah man deng tein Covid-19 i test khawh a si.

A hlei in Ralzaam le Asylum Seeker pawl cu voi khat test man ah RM70 lawng an lak hna.

Chun sml 12:45pm lawngin min cazin pek khawh a si i zaanlei sml 1:00pm in 3:00pm tiang test a si.

Minung 15 in a cunglei test duh ahcun appointment lak hmasat a hau, nain pumpak lawng cun va kal colh in vaa test khawh a si.

Covid-19 Kong

Tuni ah Covid-19 zawtnak ngeimi 4,275 an hmuhchap hna.

Cun, liam cia suimilam 24 chung ah Covid-19 in a dam i sizung in ttin termi 4,313 an si. A thi mi 7 an si.

2020, January thla in Malaysia ah Covid-19 zawtnak a phan ve i nihin tiang ah zawtnak ngei hmuhmi dihlak 180,455 an si cang.

Atu lio ah Covid-19 in a zaw cuahmahmi 42,769 an si.

“Tuni mizaw thar hmuhmi lakah 11 lawng hi zawtnak ngeicia in ramdang in a rung tlungmi an si. Ramchung i zawtnak aa chawnmi lakah 1,133 cu ramdangmi an si. A tangmi paoh cu Malaysia rammi an si,” tiah Ngandamnak Vuanci Zung nih a thanh.

Tuni mizaw thar hmuhmi lakah Selangor (1,421) le Kuala Lumpur (548) in an tambik.