17.5 C
Hakha
Thursday, January 21, 2021

COVID-19

Vawleipumpi
97,317,132
A zawmi
Updated on January 21, 2021 7:30 am
Vawleipumpi
2,083,594
A thimi
Updated on January 21, 2021 7:30 am
Vawleipumpi
69,647,596
A dammi
Updated on January 21, 2021 7:30 am

Malaysia Um Phungninglo Ramdangmi Pawl Phungning Tein Rianṭuannak Program hi Chinmi nih Sok Khawh Si Maw?

Advertisement

Malaysia ram ah phungninglo in a ummi ramdangmi pawl cu cozah nih phungning tein rianṭuan khawhnak a tuahpiak hna. Labour Recalibration Programme (LRP) tiin a auh.

Lahwahkah bawi Pu Datuk Khairul nih, “November 16 khan sok khawh asi cang. Hmai kum June 30 tiang sok khawh asi lai. Phungninglo ramdangmi 250,000 hrawng nih an sok te lai ti kan zumh,” tiah a chim.

“Kan hnu zarh Nithumni tiangah, boss 478 nih phungninglo ramdangmi 1,980 an sok piak cang hna.

“Mah cu email in an sokmi lawngte asi. Atu cu Lahwahkah website www.imi.gov.my ah sok khawh si cang.

“Lahwahkah Zung, Rian Zung le adang cozah zung pawl he i bawm in kan tuahmi asi caah puaisa kan hmang lo. Lahwahkah zung lawng ah sok khawh asi, midang sinah sok khawh si lo,” ati.

Zei Rian Pawl dah ṭuan khawh an si?

Rian phun 4;

  1. Construction
  2. Sehzung
  3. Dum/lo Cinthlaknak le
  4. Saṭhil le nga zuatnak ah ṭuan a duhmi lawng nih sok khawh asi.

Acunglei rian phun 4 lawnglawng hi ṭuan khawh asi. Rian dang;

  • Dawr hngah
  • Restaurant
  • Zung rian, tbk., a dangdang pawl cu a ngah lo.

Chinmi nih sok khawh asi maw?

Lahwahkah bawi Datuk Khairul nih a chim ning ahcun;

  1. Work permit a ngei nain a thi cangmi
  2. Malaysia tlawnnak social visa in a ra i a visa thi cangmi
  3. A work permit ah aa ṭialmi rian ṭuan loin rian dang a ṭuanmi
  4. A boss sin in a zaam lomi le
  5. Lahwahkah Zung nih miṭha lo cazin ah telh lomi lawng nih sok khawh asi.

A cunglei langhtermi 5 ahhin Chinmi kan i tel huaha lo. Chinmi cu tanglam in phungninglo (passport lo) in a rami deuh lawngte kan si.

Cucaah, Chinmi cu sok kan ngah lo tinak asi. Kan sok cun a kan tlaih lai i Kawlram a kan kuat khawh.

Acunglei langhtermi 5 na tlinh ahcun sok khawh asi ko. Mah tein sok asi lo, na boss nih an sok piak hnu ah Lahwahkah Zung le Rian Zung nih an in cohlan lo ahcun Kawlram an in kuat lai. An in cohlan ahcun, sizung ah na ngandam/lo an in piahter lai. Zawtnak na ngeih cun Kawlram an in kuat fawn lai.

A tlamtlin dih i na ngah cun acunglei langhtermi rian phun 4 lawng khi na ṭuan kho lai. Mah rian phun 4 khi ṭuan na duh lo ahcun sok a ngah lo.

Cun, refugee nih sok khawh asi lo. Na sok ahcun ram thumnak na kal kho lai lo. Refugee pawl rianṭuannak nawl pek dingin NGO nih an hal peng nain Malaysia cozah nih a kan pe rih lo. Hihi refugee caah tuahmi asi lo.

Kawlram Kirnak Programme

Phungninglo ramdangmi pawl cu tlaih lo tein chuahkehnak ram kirnak programme zong a tuahpiak hna. “Return Calibration Programme” tiin a auh.

Chuahkehnak ram (Kawlram) kir a duhmi cu Lahwahkah website ahhin appointment lak asi.

Appointment an in pekmi ni le caan ah Lahwahkah Zung ah na kal lai. Lahwahkah Zung na kal tikah;

  1. Kawlram kirnak vanlawng ticket nai cawkmi
  2. Na passport (na ngeih lo cun Myanmar tanzung ah na sok lai) le
  3. Phungninglo in Malaysia na um man dantat ding tangka RM500 nai ken lai.

Mah 3 nai ken lawngah Lahwahkah Zung nih Malaysia in chuahnak ca an pek lai i airport ah na lan kho lai.

Theihternak: Hlan ahcun Lahwahkah Zung nih dantatmi tangka hi a rak tam deuh ngai nain atu cu pulrai um lio le ho paoh har cio lio asi caah minung 1 RM500 lawng dantat asi cang.

- Advertisement -

Bawmh Khawh Kan Si

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan rianṭuannak ah bawmh a kan duhmi nan um cun, thla 1 $5 tein bawmh khawh kan si.

Ṭial Tharmi

Ṭial Tharmi

COVID-19

Vawleipumpi
97,317,132
A zawmi
Updated on January 21, 2021 7:30 am
Vawleipumpi
2,083,594
A thimi
Updated on January 21, 2021 7:30 am
Vawleipumpi
69,647,596
A dammi
Updated on January 21, 2021 7:30 am
- Advertisement -