15.6 C
Hakha
Sunday, June 20, 2021
- Advertisement -

Ṭial Tharmi

Malaysia um Myanmar rammi pawl tawlrel dingah Myanmar Tanzung rianttuan cheukhat thlen an si lai

Malaysia ram ah Covid-19 ruangah rian ngeilo in a um i dinei awk harsatnak a tongmi Myanmar rammi pawl an kong tawlreltu dingah Myanmar Tanzung i a biapibik rianttuantu cheukhat thlen an si lai tiah Myanmar President Zung nih July 17 ah a ti.

“Myanmar rammi pawl a tawlreltu dingah rian ngeitu cheukhat thlen an si lai. A biapit biknak ah a ttuanmi pawl thlen an si lai,” tiah Myanmar President Zung biachimtu U Zaw Htay nih a chim.

Malaysia ram ahhin phungning te le phungninglo in a ummi Myanmar rammi ting 6 fai an um i Myanmar rammi an si/lo biatak tein check an si lai.

“Malaysia ah Myanmar rammi ka si tinak lawngin a zalo. Rammi an si/lo tak lo check an si lai. Culo ahcun, a hnu ah tawlrel awk rian tampi a chuak kho,” tiah U Zaw Htay nih a chim fawn.

Myanmar cozah nih Malaysia ram um Myanmar Tanzung cu phone a chawnh i Kawlram tlung dingin Tanzung ah min a pe cangmi pawl i phone number, emmail le address pawl thanh piak dingin a fial.

Nain, min pek ciami chungah a tlamtling rih lo tete an um caah Tanzung nih phone silole email in thawng a thanh hna tikah pehtlaih khawh an si ti lo. Cucaah, Tanzung cu mah kongah a buai ngai lio a si.

“Malaysia ah a ummi Myanmar rammi pawl chimh kan duhmi hna cu Tanzung rak pehtlai uh,” tiah U Zaw Htay nih a chim.

Covid-19 ruangah May 7 in July 14 tiang ah Malaysia ram ah amah tein aa thatmi Myanmar rammi 11 an um.

Cun, Myanmar cozah nih Malaysia ram ah harsatnak a tong i Myanmar ram tlun a duhmi phungninglo Myanmar rammi pawl cu lak dingin a tawlrel lio a si i Myanmar Tanzung ah min a pe cangmi 8,000 leng an si cang. – 7Day Daily

- Advertisement -

Ṭial Tharmi

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...
- Advertisement -

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -