Malaysia Um Myanmar Rammi 2 Cu An Boss Nu Thah Lunghrinh In An Tlaih Hna

Malaysia ramah aa hlawhfa mi Myanmar pa 2 hna cu an boss nu a thih ruangah lunghrinh in palik nih an tlaih hna.

Johor state khualipi Hohor Baru i Kampung Seri Purnama sangah rian a ṭuanmi an si. An boss nu hi anmah nih an thahmi si lai tiah palik nih an zumh.

An boss nu Goh Geok Leng cu Malaysia rammi Tuluk miphun a si i kum 43 a si. Myanmar rammi pa pahnih an umnak inn pawngah a ruak cu an hmuh.

Nizaan April 13 zingka ahkhan an boss nu Goh Geok Leng cu a tlau. Zaan 9:30pm hrawngah Myanmar rammi 2 umnak inn pawngah a ruak in an hmuh.

Goh Geok Leng a rianṭuantu a si vemi pakhat nih a boss nu a tlaunak kong cu palik sinah thawng a thanh i palik nih an kawl colh.

Johor Baru khua

Palik sinah thawng a thanhtu pa nih cun tuni Zarhteni ah, “ka boss nu hi mi nih an fir (pian-pi-swe) tiin ka ruah,” tiah a chim.

An boss nu ruak cu palik nih Sultanah Aminah Hospital (HSA) ah an kuat i sibawi nih an check lai.

Lunghrinh in tlaihmi Myanmar rammi 2 hna cu kum 20 le kum 39 an si. Lainawng Upadi Dal 302 nih an tlaih hna.

Lainawng Upadi Dal 302 cu thihdan pek khawhnak upadi a si.

An boss nu thattu lakah aa tel ve tiah palik nih an zumhmi pakhat a um rih nain atutiang an tlai kho rih lo, biatak tein an kawl liopi a si. Anih hi Myanmar rammi a si ve maw ti balte cu Malaysia thawngzamhca The Star nih a langhter lo.

Comment Ṭial?

Zaangfah tein comment ṭial!
Zaangfah tein hika ah na min ṭial