15.6 C
Hakha
Sunday, June 20, 2021
- Advertisement -

Ṭial Tharmi

Malaysia um Chinmi pawl cu tlaihkhih kongah thinphang in an um

Malaysia ram ah a ummi Chin miphun pawl cu Covid-19 zawtnak ruangah rian an ttuan kho hna lo i dinei awk kongah lungrethei in an um pinah tlaihkhihnak a tam chin caah thinphang in an um, tiah Malaysia um ralzaam zohkhenhtu bu cheukhat sin in kan theih.

“Atu lio Covid-19 zawtnak ruangah Chinmi tam deuh cu rianttuan loin an um hna. Part-time in rian a ttuanmi zong an um. Lockdown ruangah a thla in rian a ttuan ti lomi zong an tampi. An chungkhar zong an zohkhenh kho ti hna lo. Inn man a pe kho lomi zong an um. Harnak tongmi tampi an um,” tiah Alliance for Chin Refugees in James Bawi Thang Bik nih a chim.

Malaysia cozah nih Covid-19 zawtnak ngei tampi an hmuhnak hmun cu red zone ah a chiah i zawtnak karh hlah seh tiah lockdown a tuah.

Chin miphun chungkhar 400 (minung 1,000) hrawng an umnak Pudu zong lockdown tuah a si i dinei awk a harsami chungkhar pawl cu mibawmtu bu pawl nih bawmhnak an pek hna, tiah James nih a chim.

“Chin miphun pawl cu khat leiin Covid-19 zawtnak an ttih lawng siloin tlaihkhih zong an ttih. Malaysia cozah nih phungninglo minung pawl cu a tlaih hna i an ram cio ah a kuat hna tikah an thinphang tuk. Camp chung zongah Covid-19 zawtnak a karh tuk cang,” tiah James nih a chim fawn.

Atu lio hi cheukhat cu rianttuannak nawl pek an si cang nain Covid-19 zawtnak a ngeilo timi catlap ngeih lawngah rianttuan khawh a si.

“Covid-19 test/checknak hi a tlawmbik RM360 a si. Mi tam deuh cu rian an ttuan lonak a sau cang caah testnak tangka zong an ngei lo. Malaysia cozah nih nawl a chuah ning ahcun boss te nih test man cu liampiak ding a si.

“Nain, Chin ralzaam pawl cu cozah nih theihpimi an si lo tikah an boss te zong nih Covid-19 a thiang timi catlap nan piah khawh lo ahcun rianttuan rak i thawh hlah uh an ti hna. Sizung ah Covid-19 test dingin an kal zongah cheukhat sizung nih cun Covid-19 ruangah rianbuai an duh lo caah an test duh hna lo,” tiah James nih a chim.

Malaysia ah a ummmi Chin miphun konghe pehtlai in atu lio an tonmi hi UNHCR nih biatak tein ttuanvo a lak hna awk a si, tiah CHRO rianttuan Salai Sang Hnin Lian nih a chim.

“Malaysia ah a ummi Chin miphun pawl cu harnak fakpi an tong. Ttuan chom, ei chom an tamtuk. Covid-19 ruangah Lockdown le seme lockdown an chiah ruangah rian an ttuan kho hna lo i harsatnak an tong.

“Malaysia cozah nih Covid-19 zawtnak hmang in phungninglo minung pawl cu a check hna i thonginn a phanmi an tampi. Thonginn/camp chung zongah zawtnak i vennak ttha tein a tuah lo pinah an ram cio ah a kuat hna tikah harsatnak tampi an tong. Mah vialte chungin an luat khawhnak dingah UNHCR nih biatak tein ttuanvo a lak hna a herh tiin ka ruah,” tiah Salai Sang Hnin Lian nih a chimchap.

Atu hi Malaysia ram ah Chinmi 40,000 dengmang an um i UNHCR card a ngeimi hi mitlawm te lawng an si, a tam deuh cu phungninglo in an um hna. – Chin World

- Advertisement -

Ṭial Tharmi

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...
- Advertisement -

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -