23.7 C
Hakha
Thursday, June 24, 2021
- Advertisement -

Ṭial Tharmi

Malaysia: Total lockdown chungah ṭuan onhmi rian phun 17

Nihnihni, June 1 in 14 tiang total lockdown (full lockdown) chung cu rian ṭuan an khap dih ngawt.

Malaysia Runvennak Vuanci Pu Ismail Sabri nih tu zaanlei ah, “Mah pawl hi ṭuanh onhmi an si,” tiin a thanh hna. Onhmi lakah aa tel vemi rian phun 17 hna cu:

1) Rawl dawr (markets le bungus restaurant) le dinmi (coffee, lakphak, tbk) dawr le mah pawl chuahnak sehzung – saram rawl zong

Zingze cu 7am in 12pm tiang an on lai. Anhringso phohte pawl cu 12am in 6am tiang le 11am in 4pm tiang an zuar lai.

2) Sizung, sekhan, sii dawr, tibantuk pawl – Saram sizung le sekhan zong

(Ngandamnak thilri kuthruk, PPE, sizung thilri, tbk le kholh ṭawlnak thilri sernak sehzung pawl zong rianṭuantu 60% lawng ṭuanter dingin onh an si ve)

3) Ti

4) Mei

5) Himnak, Runvennak, Lakhruak Poipang Bawmhnak asiloah 999, Zatlang le Hartong Bawmhnak (Cozah zung pawl an si)

6) Hnawm hlonhnak le mipi hmanmi hmunhma thianhnak le zunput, ti kholhnak, tbk ti hnawm zohkhenhnak

7) Bus, tlangtlawng, vanlawng, tilawng, ti bantuk tlunkalnak (vanlawng remhnak le a thilri sehzung zong ṭuan an onh)

Cun, mithmaan dawr, thil suknak dawr, inn sakremhnak thilri dawr (hardware store), mawtaw le saikal remhnak worksop, wholesale dawr, tbk pawl zong ṭuan a ngah.

8) Tilawng tual, tilawng ser/remhnak le vanlawng tual

9) Thawngthanhnak caah hmanmi pehtlaihnak – media, phone, internet, saṭaih, TV, tbk

10) Bank, Aamahkhan le stock (Banking, insurance, takaful and capital markets)

11) Inn cawknak caah tuahmi tangka cawinak [Community credit (mortgage only)]

12) Online shopping le IT (E-commerce and information technology)

13) Petrol le seh sii sehzung le zuarnak dawr

14) Lunghrinhmi mizaw khumherhnak hotel le riahnak

15) A biapi tukmi inn/lam saknak le remhnak

16) Thingram le Saram Zohkhenhnak (cozah) Zung

17) A herhmi thil kuatnak

Mirangca a fiangmi nih cun Malaysia media The Star nih Mirangca in a tialmi 17 zong hi zoh khawh asi.

Na fian lomi um ahcun, na fian lonak number kha comment ah ṭial law kan hmuh cangka in kan in leh lai.

Thilpuan dawr (kungṭeih) rianṭuan a ngah lo. Nain, kungṭeih chungah tirawl zuarnak dawr le market pawl (number 1nak ah langhtermi khi) cu on/ṭuan a ngah ko. Nau umhnak inn, Cinthlaknak, Furniture, tbk pawl zong ngah lo.

Mah lawng silole minung tlawmte lam hlat piin tlik le exercise tuah ti dah lo cu zei bantuk zaanglek hmanh ngah lo – inn chung um peng cu a har tuk kan thi lai, Falam mino le Hakha mino volleyball kan beng lai, chinlung le bawlung kan chuih lai, tbk hna kha a ngah lo.

Charhchan: The Star, NST, FMT, Malay Mail le The Edge Markets

- Advertisement -

Ṭial Tharmi

Falam ah COVID-19 in minung 1 a thi chap

Zahan zaan suimilam 8 hrawngah Matubuk sang um Salai Lal Tha Eng, kum 25 cu COVID-19 zawtnak in an inn ah a nunnak liam....

COVID-19 ruangah kharmi Paletwa sianginn an on ṭhan cang hna

Chin state, Paletwa peng sianginn pawl cu COVID-19 zawtnak an hmuh caah an khar hna nain tuni June 23 ah an on ṭhan cang...

Malaysia rammi nih ‘refugee hi hmun dangah umter hna uh’ tiin cozah an hal

Malaysia Ramchung Vuanci Pu Hamzah Zainudin nih, "UNHCR card aa tlaihmi pawl hi hmun dangte ah anmah lawngin umter hna uh tiin kan rammi...
- Advertisement -

CRC Malaysia: Covid Raikham Sii Chunhnak Minpeknak Theihternak

Malaysia um Chin miphun hawikom dawt hna Covid raikham sii chunhnak kong he pehtlai in theither kan in duhmi hna cu nan mah le...

UN Thawngthanh: Malaysia Refugee pawl COVID-19 raikhamsi chunh dingin min pek khawh asi cang

Malaysia um ralzaam le ralzaam-soktu pawl cu COVID-19 raikhamsi i chun dingin min cazin pek khawh asi cang. Raikhamsi chunh a duhmi paoh cu Malaysia...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -