Malaysia tlawn aa tim i khirhmi ramdangmi 44,941 an si

- Advertisement -

Tu kum January in October 31 tiang ah Malaysia ram tlawng dingin Malaysia ram phak cang hnu ah khirhmi ramdangmi 44,941 an si.

Malaysia lahwahkah bawizik Datuk Khairul Dzaimee Daud nih “Ramdangmi 44,941 cu Malaysia luhnak caah a herhmi an tlamtlinh lo ruangah Malaysia luhter lo ding cazin ah kan khumh dih hna” tiah a chim.

“Malaysia tlawn ah a rami tambik hi Indonesia ram in a si i minung 20,676 an si. Pahnihnak ah India ram (minung 6,398), China (minung 4,793), Bangladesh (minung 3,155), Myanmar (minung 2,455) le a tangmi cu ram dangdang in an si hna” tiah Khairul nih a chim.

“Ramdangmi pawl cu a hlei in Malaysia airport an phak tikah biahal awk an tthat lo asiloah Malaysia ram luhnak caah a herhmi an tlamtlinh lo ahcun action kan lak colh.”

“Ramdangmi pawl cu visa silole a herhmi catlap dang tlamtling tein an ngeih ko zongah Malaysia an cam chung hman awk tangka a zatawk an ngeih/lo le kirnak ticket cawknak an ngeih/lo kan check hna.”

“Hitin thuk deuh in kan check hna tikah anmah pawl cu Malaysia ram luhter lo ding cazin ah chiah an si lo i phungninglo thiltuahnak zongah telh an si lo.”

“Nawl kan chuahmi an zulh duh lo ahcun lahwahkah nih kan zohsawh hna lai lo pinah lungawlttawm lo tein Malaysia ram in kan chuah ko hna lai.”

“Malaysia Ramchung Vuanci nih hmai kum January 1 thok in security ca le ramdang khualtawng control nak ding caah Malaysia airport kip ah RM20 million man CCTV a bunh lai.”

“Cun, khualtlawnnak passport fir silole thlaumi an hman tikah track kho ding in kanmah lahwahkah nih kan tawlrel lai” tiah Khairul nih a chim.

Ṭial Tharmi

Thantlang ah Vok zawtnak in vok 1,360 an thi cang

Thantlang khua ah inn zuatmi vok pawl cu Porcine Circovirus Type-2 (PCV-2) zawtnak ruangah an thi hna i April 20 in August...

Myanmar cozah nih ramdang ah aa tapmi a rammi 10,000 leng a lak cang hna

Myanmar cozah nih ramdang ah aa tapmi a rammi pawl cu vanlawng in a lak hna i August 12 zaan tiangah minung...

VP Pu Henry Van Thio: Tedim khua district ngahnak kong cu President biakhiahmi ah aa hngat

Myanmar Vice President Pu Henry Van Thio nih Tedim khua district ngahnak kong cu Myanmar President biakhiahmi cung ah aa hngat...

Malaysia ah Covid-19 mizaw thar 15 an hmuhchap

Tuni ah Malaysia ah Covid-19 zawtnak ngeimi 15 an hmuhchap hna i zawtnak ngei hmuhmi dihlak 9,129 an si cang.
- Advertisement -