Malaysia ram, Selangor le Pahang state ah tilian ruangah a thimi minung 33 an si cang, tiah tuni ah cozah media Bernama nih a thanh. 

Selangor state lawngah minung 24 an thi, Pahang state ah minung 9 an thi.

Selangor palik bawizik nih, “Shah Alam pengah miruak 14 kan hmuh. Klang le Kajang ah ruak 3 veve kan hmuh. Sepang ah ruak 2 le Kuala Selangor le Subang Jaya pengah ruak 1 veve kan hmuh hna,” tiah a chim.

Bernama media thawngla pawl nih Shah Alam Sizung ah tilian ruang a thimi ruak an va zoh i ‘ruak hlamtu chungkhar an um lo caah a dai ngai’ an ti.

Pahang state ahcun, Kuantan peng ah ruak 2 le Bentong pengah ruak 7 an hmuh hna.

Chinmi 300 hrawng umnak Kuala Lumpur khua, Jalan Ipoh sang zong tilian nih fak tukin a khuh nain Pathian dawtnak thawngin an nunnak cu a him.